ថ្ងៃទី១៨ខែកញ្ញា អ្នកនាំពាក្យរដ្ឋាភិបាលអាល្លឺម៉ង់បានថ្លែងថា អាល្លឺម៉ង់សម្រេចចិត្តពន្យារពេលកន្លះឆ្នាំទៀតចំពោះការហាមមិនឱ្យដឹកជញ្ជូនអាវុធទៅឱ្យអារ៉ាប៊ីសាអូឌីត។
ទីភ្នាក់ងារសារព័ត៌មានអាល្លឺម៉ង់បានដកស្រង់ពាក្យសម្តីរបស់អ្នកនាំពាក្យរូបនេះថា អនុលោមតាមការពន្យារពេលនូវបម្រាមលើកនេះ គឺនៅមុនថ្ងៃទី៣១ខែមីនាឆ្នាំ២០២០ រាល់ការស្នើសុំឱ្យនាំចេញអាវុធទៅកាន់អារ៉ាប៊ី សាអូឌីតសុទ្ធតែមិនត្រូវបានអនុម័តពីរដ្ឋាភិបាលអាល្លឺម៉ង់ទេ ហើយរាល់ការនាំចេញដែលត្រូវបានអនុម័តហើយនៅក៏មិនអាចប្រគល់ទំនិញផងដែរ ៕