ពិព័រណ៍ឧស្សាហកម្មឆ្លាតវៃចិនអន្តរជាតិឆ្នាំ ២០១៩ ដែលមានរយៈពេល ៤ ថ្ងៃ បានប្រារព្ធធ្វើឡើងនៅទីក្រុងChongqing ប្រទេសចិនកាលពីថ្ងៃទី ២៦ សីហាកន្លងទៅនេះ ដែលនឹងធ្វើការផ្លាស់ប្តូរលើនិន្នាការថ្មីនៃការវិវឌ្ឍរីកចម្រើននៃឧស្សាហកម្មឆ្លាតវៃ ការជំរុញការធ្វើសមាហរណកម្មសេដ្ឋកិច្ចឌីជីថលនិងសេដ្ឋកិច្ចពិតយ៉ាងស៊ីជ្រៅ ដើម្បីបញ្ចូលកម្លាំងចលករថ្មីដល់ការអភិវឌ្ឍនៃឧស្សាហកម្មឆ្លាតវៃទូទាំងពិភពលោក។
អំឡុងចូលរួមនាថ្ងៃដដែល លោក LiuHe ឧបនាយករដ្ឋមន្ត្រីចិនបានថ្លែងថា ប្រទេសចិនត្រូវឆ្លៀតប្រើឧត្តមភាពនៃទំហំទីផ្សារដ៏ធំសម្បើមរបស់ខ្លួន ដើម្បីផ្តល់នូវផលិតកម្មសាធារណៈដែលមានលក្ខណៈគ្រប់គ្រាន់សម្រាប់ការអភិវឌ្ឍនៃឧស្សាហកម្មឆ្លាតវៃ។
សូមបញ្ជាក់ថា មានសហគ្រាសសរុបចំនួន 843 ដែលមកពីប្រទេសនិងតំបន់ចំនួន 28 បានចុះឈ្មោះចូលរួមក្នុងពិព័រណ៍ឧស្សាហកម្មឆ្លាតវៃចិនអន្តរជាតិលើកនេះ ហើយពិព័រណ៍បានរៀបចំសកម្មភាពវេទិកាចំនួន 46 និងកម្មវិធីប្រកួតអន្តរជាតិផ្នែកប្រើប្រាស់បែបច្នៃប្រឌិតថ្មីចំនួន 8 ។ សម្រាប់ប្រទេសកិត្តិយសវិញ មាន៣ប្រទេសគឺ សិង្ហបុរី អង់គ្លេសនិងអ៊ីតាលី៕
