ពិព័រណ៍ឧស្សាហកម្មវៃឆ្លាតចិនអន្តរជាតិឆ្នាំ ២០១៩ បានសម្ពោធបើកនៅក្រុងឆុងឈីងប្រទេសចិនកាលពីថ្ងៃទី ២៦ ខែសីហា ។ លោកស៊ីជីនភីង ប្រធានរដ្ឋចិនបានផ្ញើលិខិតអបអរសាទរ ។
លោកស៊ីជីនភីងបានចង្អុលបង្ហាញថា បច្ចុប្បន្ន បច្ចេកវិទ្យាព័ត៌មានទំនើបដែលតំណាងដោយបណ្តាញអ៊ីនធើណែត ទិន្នន័យទ្រង់ទ្រាយធំនិងAIបានរីកចម្រើនជារៀងរាល់ថ្ងៃ ហើយបដិវត្តន៍វិទ្យាសាស្ត្របច្ចេកវិទ្យានិងកំណែទម្រង់ឧស្សាហកម្មវគ្គថ្មីកំពុងត្រូវបានជំរុញយ៉ាងផុលផុស ។ ម្យ៉ាងទៀត ឧស្សាហកម្មវៃឆ្លាតបានអភិវឌ្ឍយ៉ាងលឿន គឺបានជះឥទ្ធិពលយ៉ាងខ្លាំងនិងជ្រាលជ្រៅទៅលើការអភិវឌ្ឍសេដ្ឋកិច្ច វឌ្ឍនភាពសង្គម និងអភិបាលកិច្ចពិភពលោកជាដើម ។
លោកស៊ីជីនភីងបានសង្កត់ធ្ងន់ថា ប្រទេសចិនបានយកចិត្តទុកដាក់ដល់ការអភិវឌ្ឍឧស្សាហកម្មវៃឆ្លាត បានពន្លឿនការធ្វើឧស្សាហុបនីយកម្មឌីជីថលនិងការធ្វើឌីជីថលភាវូបនីយកម្មឧស្សាហកម្ម ដើម្បីជំរុញឱ្យសេដ្ឋកិច្ចឌីជីថលនិងសេដ្ឋកិច្ចពិតរួមបញ្ចូលគ្នាយ៉ាងស៊ីជម្រៅ ។ ប្រទេសចិនរីករាយរួមជាមួយសហគមន៍អន្តរជាតិ ដើម្បីកសាងយុគសម័យវៃឆ្លាតនិងរួមគ្នាចែករំលែកសមិទ្ធផលវៃឆ្លាត ។
ប្រធានបទនៃពិព័រណ៍លើកនេះគឺភាពវៃឆ្លាត ផ្តល់កម្លាំងដល់សេដ្ឋកិច្ចនិងបន្ថែមពណ៌ដល់ជីវភាព ដែលមានរយៈពេលដល់ថ្ងៃទី ២៩ ខែសីហា ៕
