យប់ថ្ងៃទី១៥ខែសីហា ការិយាល័យស្នងការនៃក្រសួងការបរទេសចិនប្រចាំនៅតំបន់ហុងកុងបានថ្លែងថា ដៅចំពោះកាសែត The Wall Street Journal មិនអើពើការពិត វាយតម្លៃស្ថានការណ៍តំបន់ហុងកុងដោយផ្តេសផ្តាស ។ ការិយាល័យស្នងការនៃក្រសួងការបរទេសចិនប្រចាំនៅតំបន់ហុងកុងបានធ្វើការតវ៉ាយ៉ាងម៉ឺងម៉ាត់ និងសម្តែងការមិនពេញចិត្តយ៉ាងខ្លាំងនិងប្រឆាំងជាដាច់ខាត ។
អ្នកនាំពាក្យគូសបញ្ជាក់ថា ភាពល្ងង់ខ្លៅ ការរើសអើងនិងក្រអឺតក្រទមមិនអាចបិទបាំងការពិតនោះទេ ហើយក៏មិនអាចបញ្ឆោតមនុស្សផងទាំងឡាយនោះទេ ។ យើងដាស់តឿនដល់ប្រព័ន្ធសារព័ត៌មានដែលពាក់ព័ន្ធធ្វើការកែតម្រូវកំហុសជាបន្ទាន់និងផ្សព្វផ្សាយព័ត៌មានអំពីហុងកុងប្រកបដោយការទទួលខុសត្រូវ សត្យានុម័ត យុត្តិធម៌និងតុល្យភាព ដើម្បីខិតខំប្រឹងប្រែងក្នុងន័យស្ថាបនាសម្រាប់ជំរុញលើកកម្ពស់ការយល់ដឹងរបស់មជ្ឈដ្ឋានខាងក្រៅចំពោះតំបន់ហុងកុង គាំពារការគ្រប់គ្រងតាមច្បាប់ វិបុលភាពនិងស្ថិរភាពនៃតំបន់ហុងកុង ។
