សំដៅចំពោះអាជ្ញាធតៃវ៉ាន់ប្រកាសថាបានលើកសំណើរចូលរួម«កិច្ចព្រមព្រៀងទំនាក់ទំនងភាពជាដៃគូអន្តរប៉ាស៊ីហ្វិកគ្រប់ជ្រុងជ្រោយនិងវឌ្ឍនភាព» លោកZhao Lijianអ្នកនាំពាក្យក្រសួងការបរទេសចិនបានថ្លែងនៅពេលឆ្លើយតបសំណួរក្នុងសន្និសីទសារព័ត៌មានជាប្រចាំកាលពីថ្ងៃទី២៣ ខែកញ្ញាថា ចិនប្រឆាំងយ៉ាងដាច់ខាតមិនឱ្យតំបន់តៃវ៉ាន់ចូលរួមកិច្ចព្រមព្រៀងនិងអង្គការផ្លូវការណាមួយនោះទេ។
លោកZhao Lijianបានថ្លែងថា នៅលើពិភពលោកមានប្រទេសចិនតែមួយ ហើយតំបន់តៃវ៉ាន់គឺជាផ្នែកមួយដែលមិនអាចកាត់ផ្តាច់បានរបស់ប្រទេសចិន គោលការណ៍ចិនតែមួយគឺជាក្រមទំនាក់ទំនងអន្តរជាតិដែលទទួលស្គាល់ជាសកលនិងជាគំនិតឯកភាពជាទូទៅរបស់សហគមន៍អន្តរជាតិ។ប្រទេសចិនប្រឆាំងយ៉ាងដាច់ខាតចំពោះប្រទេសណាដែលធ្វើទំនាក់ទំនងជាផ្លូវការជាមួយតៃវ៉ាន់ ហើយប្រឆាំងយ៉ាងដាច់ខាតមិនឱ្យតំបន់តៃវ៉ាន់ចូលរួមកិច្ចព្រមព្រៀងនិងអង្គការផ្លូវការណាមួយនោះឡើយ។ ជំហររបស់ចិនមួយនេះគឺច្បាស់លាស់ណាស់៕