ពេលថ្មីៗកន្លងទៅនេះ រដ្ឋនានានៃសហរដ្ឋអាមេរិកបានបន្ធូរបន្ថយការដាក់កំហិតចំពោះការជួបជុំគ្នាដោយសារការរីករាលដាលនៃជំងឺកូវីដ១៩មានភាពថមថយខ្លះ ប៉ុន្តែ ព្រមពេលជាមួយគ្នានេះ ហេតុការណ៍បាញ់ប្រហារបានកើតឡើងជាញឹកញាប់។ នៅចុងសបា្តហ៍ដែលទើបបានកន្លងផុតទៅ នៅទូទាំងប្រទេសអាមេរិកបានកើតហេតុការណ៍បាញ់ប្រហារទ្រង់ទ្រាយធំចំនួន១០លើក បណ្តាលឱ្យមនុស្ស៧នាក់ស្លាប់និងលើសពី៤០នាក់រងរបួស។
តាមការផ្សាយដំណឹងឱ្យដឹងថា អត្តសញ្ញាណនៃអ្នកជាប់សង្ស័យមួយចំនួននៃហេតុការណ៍បាញ់ប្រហារទាំងនេះនៅមិនទាន់បានកំណត់នៅឡើយទេ ការស៊ើបអង្កេតនិងតាមដានចាប់ខ្លួនអ្នកជាប់សង្ស័យពាក់ព័ន្ធនៅតែដំណើរការដដែល។ វេបសាយ"បណ្ណសារកាំភ្លើង"នៃអាមេរិកបានអះអាងថា គិតរហូតដល់បច្ចុប្បន្ននេះ គ្រាន់តែនៅឆ្នាំ២០២១ សហរដ្ឋអាមេរិកបានកើតហេតុការណ៍បាញ់ប្រហារទ្រង់ទ្រាយធំចំនួន២៩៣ទៅហើយ ៕
