ថ្ងៃទី១២ ខែឧសភា ក្រុមប្រឹក្សានីតិប្បញ្ញតិ្តនៃតំបន់រដ្ឋបាលពិសេសហុងកុងបានអនុម័ត «សេចកី្តព្រាងច្បាប់នៃលក្ខន្តិកៈ(ការឈរឈ្មោះបោះឆ្នោតនិងការទទួលតំណែង )នៃមន្ត្រីរដ្ឋបាលឆ្នាំ២០២១ » ដែលបានកំណត់ថា បុគ្គលិកមន្ត្រីរដ្ឋបាលចាំបាច់ត្រូវគាំទ្រ «ច្បាប់មូលដ្ឋាន» និងគោរពក្រមមូលដ្ឋានលម្អិតរបស់តំបន់រដ្ឋបាលពិសេសហុងកុង អ្នកល្មើសនឹងត្រូវដកហូតមុខតំណែងឬនីតិសម្បទាជាអ្នកតំណាងរាស្ត្រ ។ លក្ខន្តិកៈនេះ បានបន្ថែមសមាជិកអ្នកតំណាងរាស្ត្រខណ្ឌចូលក្នុងបញ្ជីឈ្មោះធ្វើសច្ចាប្រណិធានរបស់បុគ្គលិកមន្ត្រីរដ្ឋបាលផងដែរ ។ តាំងពីចូលឆ្នាំនេះមក សមាជិកបក្សពួកប្រឆាំងបាននាំគ្នាលាលែងពីមុខតំណែង ។ តាមការប៉ាន់ប្រមាណរបស់ប្រព័ន្ធសារព័ត៌មានហុងកុង បន្ទាប់ពីអនុវត្តលក្ខន្តិកៈនេះ នឹងមានសមាជិកបក្សពួកប្រឆាំងកាន់តែច្រើនលាលែងពីមុខតំណែង ។ កាសែត Dongfangribao នៃហុងកុងបានចេញផ្សាយដំណឹងថា ពួកប្រឆាំងទាំងនេះលាលែងពីមុខតំណែងនឹងធ្វើឱ្យក្រុមប្រឹក្សានីតិប្បញ្ញាតិ្តខណ្ឌអាចពិភាក្សាពីប្រធានបទពាក់ព័ន្ធនឹងជីវភាពរស់របស់ប្រជាជនក្នុងពេលឆាប់ៗ នេះគឺជាដំណឹងល្អសម្រាប់អ្នកក្រុងហុងកុងទូទៅ ៕
ក្រុមប្រឹក្សានីតិប្បញ្ញតិ្តនៃតំបន់រដ្ឋបាលពិសេសហុងកុងអនុម័តលក្ខន្តិកៈធ្វើសច្ចាប្រណិធានរបស់បុគ្គលិកមន្ត្រីរដ្ឋបាល
2021-05-13 15:43:00
cri
