កាលពីថ្ងៃទី២២ខែមេសាតាមម៉ោងក្នុងតំបន់ ព្រឹទ្ធសភាអាមេរិកបានបោះឆ្នោតអនុម័តលើសេចក្តីព្រាងច្បាប់មួយ ក្នុងគោលបំណងបង្ក្រាបបទឧក្រិដ្ឋចងគំនុំសំដៅចំពោះជនជាតិអាមេរិកដើមកំណើតអាស៊ី ។
សេចក្តីព្រាងច្បាប់នេះរួមមានការបង្កើតមុខតំណែងពិសេសក្នុងក្រសួងយុត្តិធម៌ដើម្បីពន្លឿនការដោះស្រាយសំណុំរឿងស្តីពីបទឧក្រិដ្ឋចងគំនុំពាក់ព័ន្ធនឹងជំងឺកូវីដ១៩ ហើយផ្តល់ការគាំទ្រពាក់ព័ន្ធចំពោះស្ថាប័ននីតិប្រតិបត្តិក្នុងតំបន់ផងដែរ ។ ក្រសួងយុត្តិធម៌និងក្រសួងសុខាភិបាលសុទ្ធតែនឹងដាក់ចេញសេចក្តីណែនាំ ដើម្បីលើកកម្ពស់មនសិការរបស់ប្រជាពលរដ្ឋអំពីបទឧក្រិដ្ឋចងគំនុំក្នុងអំឡុងពេលរីករាលដាលនៃជំងឺកូវីដ១៩ ព្រមទាំងបង្កើតប្រព័ន្ធរាយការណ៍តាមបណ្តាញអ៊ីនធើណេត ។
បន្ទាប់មក សេចក្តីព្រាងច្បាប់នេះនឹងធ្វើការបោះឆ្នោតនៅសភាតំណាងរាស្ត្រ ។ ប្រសិនបើត្រូវបានបោះឆ្នោតអនុម័ត នោះនឹងត្រូវដាក់ជូនសេតវិមានដើម្បីជូនប្រធានាធិបតីចុះហត្ថលេខាឱ្យក្លាយទៅជាច្បាប់ ។