ថ្ងៃទី២២ខែមេសា កិច្ចប្រជុំកំពូលអាកាសធាតុ បានប្រារព្ធធ្វើតាមរយៈប្រព័ន្ធវីដេអូ ។ អ្នកដឹកនាំនៃប្រទេសកំពុងអភិវឌ្ឍន៍ដែលបានចូលរួមកិច្ចប្រជុំលើកនេះបានអំពាវនាវប្រទេសអភិវឌ្ឍន៍ឱ្យបង្ហាញពីការបេ្តជ្ញាចិត្តនិងប្រតិបតិ្តការកាន់តែខ្លាំងក្នុងការទប់ទល់នឹងបម្រែបម្រួលអាកាសធាតុ អនុវត្តយ៉ាងប្រាកដប្រជានូវពាក្យសន្យាស្តីពីការធ្វើសហហិរញ្ញប្បទានដើម្បីទប់ទល់នឹងបម្រែបម្រួលអាកាសធាតុ ក្នុងន័យផ្តល់ការគាំទ្រកាន់តែច្រើនលើវិស័យប្រាក់ទុន បច្ចេកវិទ្យា និងកសាងសមត្ថភាពជាដើមដល់ប្រទេសកំពុងអភិវឌ្ឍន៍ ។
ថ្លែងក្នុងកិច្ចប្រជុំ លោក Ramaphosa ប្រធានាធិបតីអាហ្វ្រិកខាងត្បូងបានថ្លែងថា បម្រែបម្រួលអាកាសធាតុ ជាបញ្ហាតានតឹងបំផុតដែលពិភពលោកកំពុងប្រឈមនាពេលបច្ចុប្បន្ន ដែលបាននាំមកនូវការវាយប្រហារយ៉ាងខ្លាំងដល់អង្គភាពសេដ្ឋកិច្ចកំពុងអភិវឌ្ឍន៍ ក្នុងនោះក៏បូករួមទាំងប្រទេសអាហ្រ្វិកជាច្រើនផងដែរ ដោយទទួលរងឥទ្ធិពលដ៏សំខាន់ដូចជាគ្រោះរាំងស្ងួត គ្រោះទឹកជំនន់និងអាកាសធាតុអាក្រក់បំផុតជាដើម ។ ប្រសិនបើប្រទេសកំពុងអភិវឌ្ឍន៍មិនអាចកសាងសមត្ថភាពសម្រាប់ទប់ទល់បម្រែបម្រួលអាកាសធាតុ នោះមិនគ្រាន់តែនឹងបាត់បង់សមិទ្ធផលដែលទទួលបានដូចសព្វថ្ងៃប៉ុណ្ណោះទេ ថែមទាំងនឹងប្រឈមបញ្ហាកាន់តែច្រើនដូចជាភាពក្រីក្រ និងការបាត់បង់ការងារជាដើម ។
អ្នកដឹកនាំនៃប្រទេសកំពុងអភិវឌ្ឍន៍ដែលបានចូលរួមកិច្ចប្រជុំលើកនេះ អំពាវនាវឱ្យប្រទេសអភិវឌ្ឍន៍បង្កើនការជួយឧបត្ថម្ភជាប្រាក់ទុនដល់ប្រទេសកំពុងអភិវឌ្ឍន៍ ក្នុងន័យកាត់បន្ថយការពឹងផ្អែកទៅលើប្រេងឥន្ធនៈនិងប្រេងកាត និងកាត់បន្ថយការបញ្ចេញកាបូន ដើម្បីសម្របទៅតាមឥទ្ធិពលនៃបម្រែបម្រួលអាកាសធាតុ ៕