ថ្ងៃទី ២០ ខែ មេសា សន្និសីទប្រចាំឆ្នាំ ២០២១ នៃវេទិកាអាស៊ីនៅ Boao បានបើកធ្វើនៅ Boao ខេត្ត Hainan ប្រទេសចិន ។ លោក ស៊ី ជីនភីង ប្រធានរដ្ឋចិនបានថ្លែងសុន្ទរកថាតាមវីដេអូដែលមានចំណងជើងថា 《រួមសុខរួមទុក្ខដើម្បីជម្នះឧបសគ្គជោគវាសនានិងការរួមគ្នាកសាងអនាគត》។
លោក ស៊ី ជីនភីង បានថ្លែងថា កិច្ចការអន្ដរជាតិគួរតែដោះស្រាយតាមការរួមគ្នាពិគ្រោះពិភាក្សា អនាគតនិងជោគវាសនារបស់ពិភពលោកគួរតែត្រូវគ្រប់គ្រងដោយប្រទេសនានា ។ មិនអាចយកច្បាប់ដែលកំណត់ដោយប្រទេសមួយឬប្រទេសមួយចំនួនតូចទៅបង្ខំឱ្យប្រទេសដទៃអនុវត្តតាមនោះឡើយ ហើយឯកតោភាគីនិយមនៃប្រទេសមួយក៏មិនគួរប៉ះពាល់ដល់ផលប្រយោជន៍ពិភពលោកទាំងមូលដែរ ។ ពិភពលោកត្រូវការភាពយុត្តិធម៌ តែមិនមែនអនុត្តរភាពនោះទេ ។ ប្រទេសធំត្រូវបង្ហាញពីទំនួលខុសត្រូវកាន់តែច្រើន។