ក្រសួងពាណិជ្ជកម្មចិនបានរៀបចំធ្វើសន្និសីទកាសែតជាប្រចាំកាលពីថ្ងៃទី ២១ ខែមករា ។ ថ្លែងក្នុងសន្និសីទនេះ លោក GaoFeng អ្នកនាំពាក្យក្រសួងពាណិជ្ជកម្មចិនបានបញ្ជាក់ថា ប្រទេសចិនរីករាយចុះហត្ថលេខាលើកិច្ចព្រមព្រៀងពាណិជ្ជកម្មសេរីជាមួយដៃគូពាណិជ្ជកម្មកាន់តែច្រើន ក្នុងនោះបូករួមទាំងការគិតពិចារណាក្នុងការចូលរួមជាមួយកិច្ចព្រមព្រៀងទូលំទូលាយ និងវឌ្ឍនភាពសម្រាប់ភាពជាដៃគូអន្តរប៉ាស៊ីហ្វិក (CPTPP) ។
ពេលថ្លែងដល់ផែនការពង្រីកទ្រង់ទ្រាយនៃកិច្ចព្រមព្រៀងពាណិជ្ជកម្មសេរីរបស់ចិននៅជំហានក្រោយ លោកGaoFeng បានបង្ហើបឱ្យដឹងថា ប្រទេសចិននឹងលើកកម្ពស់សមាមាត្រលើកលែងពន្ធនៃពាណិជ្ជកម្មទំនិញថែមទៀត ព្រមទាំងបើកទូលាយថែមមួយកម្រិតទៀតនូវការអនុញ្ញាតឱ្យចូលទីផ្សារចិនសម្រាប់ពាណិជ្ជកម្មសេវាកម្មនិងការវិនិយោគ ក៏ដូចជាចូលរួមយ៉ាងសកម្មនូវកិច្ចចរចាអំពីបទប្បញ្ញត្តិថ្មីស្តីពីសេដ្ឋកិច្ចឌីជីថលនិងការការពារបរិស្ថានជាដើម ។
