កិច្ចប្រជុំស្តីពីពាណិជ្ជកម្មនិងការអភិវឌ្ឍនៃអង្គការសហប្រជាជាតិបានចេញផ្សាយរបាយការណ៍កាលពីថ្ងៃទី ២៧ ខែតុលាថា លំហូរទុនវិនិយោគផ្ទាល់ពីបរទេស(FDI)លើពិភពលោកនៅឆមាសទី ១ ឆ្នាំ២០២០ បានធ្លាក់ចុះ ៤៩ % បើប្រៀបធៀបនឹងរយៈពេលដូចគ្នានាឆ្នាំ២០១៩ ប៉ុន្តែ ទំហំប្រាក់ទុនវិនិយោគពីបរទេសនៅក្នុងប្រទេសចិនពីត្រីមាសទី ១ ដល់ ទី៣ បានកើនឡើង ២. ៥ % ដោយផ្ទុយពីនិន្នាការទូទៅ ។
ជុំវិញករណីនេះ លោកWang Wenbin អ្នកនាំពាក្យក្រសួងការបរទេសចិនបានថ្លែងក្នុងសន្និសីទកាសែតជាប្រចាំកាលពីថ្ងៃទី ២៨ ខែតុលាថា ទំហំប្រាក់ទុនវិនិយោគពីបរទេសនៅក្នុងប្រទេសចិនបានកើនឡើងដោយផ្ទុយពីនិន្នាការទូទៅបានបង្ហាញពីជំនឿទុកចិត្តរបស់មជ្ឈដ្ឋានខាងក្រៅចំពោះអនាគតនៃការអភិវឌ្ឍន៍ប្រទេសចិន ហើយក៏ជាសមិទ្ធផលនៃការបន្តជំរុញការបើកចំហនិងធ្វើកំណែទម្រង់នៃប្រទេសចិនដែរ ។ លោក Wang Wenbin បានបញ្ជាក់ថា ពេលបច្ចុប្បន្ននេះ ប្រទេសចិនកំពុងពន្លឿនការកសាងនិម្មាបនកម្មអភិវឌ្ឍន៍ថ្មីទាំងជាតិនិងអន្តរជាតិបែបវិលជុំទាំងពីរដែលជំរុញគ្នាទៅវិញទៅមកដោយផ្តោតសំខាន់ទៅលើដំណើរវិលជុំនៃសេដ្ឋកិច្ចជាតិ ។
