កាលពីថ្ងៃទី ២០ ខែកញ្ញា គណៈកម្មាធិការរៀបចំការប្រកួតកីឡាអូឡាំពិករដូវរងាក្រុងប៉េកាំងបានធ្វើសកម្មភាពវប្បធម៌នៅមហាកំពែងស្តីពីការរាប់ថយក្រោយ ៥០០ ថ្ងៃនៃការរៀបចំការប្រកួតកីឡាអូឡាំពិករដូវរងា នេះជាសកម្មភាពមួយក្នុងចំណោមសកម្មភាពក្រោមប្រធានបទ “ដំណើរថ្មីនៃការប្រកួតកីឡាអូឡាំពិករដូវរងា ធ្វើដំណើរជាមួយគ្នា ៥០០ ថ្ងៃ” ។
លោកហឺជាំងហៃ អគ្គលេខាធិការរងនៃគណៈកម្មាធិការរៀបចំការប្រកួតកីឡាអូឡាំពិករដូវរងាក្រុងប៉េកាំងបានថ្លែងថា សកម្មភាពនេះគឺធ្វើឡើងដើម្បីផ្សព្វផ្សាយជូនប្រជាជនទូទាំងប្រទេសស្តីពីការប្រកួតកីឡាអូឡាំពិករដូវរងានិងកីឡាលើទឹកកក បង្ហាញពីការរំពឹងទុកយ៉ាងកក់ក្តៅចំពោះការប្រកួតកីឡាអូឡាំពិករដូវរងារបស់ប្រជាជនរស់នៅទីកន្លែងរៀបចំការប្រកួតកីឡាអូឡាំពិករដូវរងា ដូចជាប៉េកាំង យានឈីង ចាំងចាខូវជាដើម និងអំពាវនាវឱ្យមិត្តភក្តិមកពីមជ្ឈដ្ឋាននានាទាំងក្នុងនិងក្រៅប្រទេសចូលរួមយ៉ាងសកម្មក្នុងសកម្មភាពវប្បធម៌នៃការប្រកួតកីឡាអូឡាំពិករដូវរងា ៕
