-លោកស៊ីជីនភីង ប្រធានរដ្ឋចិនបានផ្ញើសារលិខិតសួរសុខទុក្ខចំពោះលោក Michel Aoun ប្រធានាធិបតីលីបង់អំពីករណីផ្ទុះយ៉ាងកក្រើកដែលកើតឡើងនៅក្រុងបេរូត រដ្ឋធានីប្រទេសលីបង់ ។
-លោកវ៉ាងយី រដ្ឋមន្ត្រីការបរទេសចិនថ្លែងថា ចិននិងសហរដ្ឋអាមេរិកគួរតែជំរុញទំនាក់ទំនងនៃប្រទេសទាំងពីរតាមរយៈកិច្ចសហប្រតិបត្តិការតែមិនមែនផ្តាច់ចេញពីគ្នានោះទេ ។
-ក្រសួងការបរទេសចិនថ្លែងថា ស្វាគមន៍ជានិច្ចចំពោះសហគ្រាសគ្រប់ប្រទេសបូករួមទាំងអឺរ៉ុបផងមកវិនិយោគទុននិងធ្វើអាជីវកម្មនៅប្រទេសចិន ។
-លោក Fauci ថ្លែងថា មូលហេតុនៃការបន្តរីករាលដាលនៃជំងឺកូវីដ១៩គឺដោយមកពីការមិនឯកភាពគ្នាក្នុងការប្រយុទ្ធប្រឆាំងនឹងជំងឺឆ្លងនៅទូទាំងប្រទេសអាមេរិក ។
-អង្គការស្ត្រីនៃអង្គការសហប្រជាជាតិរៀបចំកិច្ចប្រជុំអន្តរជាតិតាមប្រព័ន្ធវីដេអូស្តីពីកិច្ចសហប្រតិបត្តិការប្រយុទ្ធប្រឆាំងនឹងជំងឺកូវីដ១៩ តំណាងចិនចែករំលែកបទពិសោធន៍ស្តីពីការប្រយុទ្ធប្រឆាំងនឹងជំងឺកូវីដ១៩របស់ចិន ។
