ថ្ងៃទី១៥ខែកញ្ញាជាកាលបរិច្ឆេទចុងក្រោយដែលលោកត្រាំ ប្រធានាធិបតីអាមេរិកបានបញ្ជាឱ្យបិទកម្មវិធី TikTok ។ ប្រសិនបើមិនអាចសម្រេចការលក់ចេញទេ នោះ កម្មវិធីវីដេអូខ្លីដែលពេញនិយមទូទាំងពិភពលោកនេះនឹងត្រូវបិទនៅសហរដ្ឋអាមេរិក ។ ព្រមពេលជាមួយគ្នានេះ ការរិះគន់និងការចោទជាមន្ទិលសង្ស័យពីសំណាក់អឺរ៉ុបបានកើតមានឥតឈប់ឈរ ហើយ “អន្ទាក់អាមេរិក”ដែលនៅពីក្រោយរឿងនេះក៏បានលេចចេញម្តងទៀត ។
កាសែត Frankfurter Rundschau របស់អាល្លឺម៉ង់បានចុះផ្សាយបទអត្ថាធិប្បាយថា នេះជា “ទង្វើបែបដូណល់ត្រាំ” ក្រោមមូលហេតុអាក្រក់និងប្រើកលល្បិចនយោបាយ ។ ក្នុងការបោះឆ្នោតដែលជិតនឹងរៀបចំធ្វើនាពេលខាងមុខនេះ លោកត្រាំសង្ឃឹមបន្សាបការរិះគន់របស់អ្នកបោះឆ្នោតចំពោះលោកអំពីការអសមត្ថភាពក្នុងការដោះស្រាយបញ្ហាជំងឺកូវីដ១៩ ។
លោក Frederic Pierucci អតីតអ្នកដឹកនាំជាន់ខ្ពស់នៃក្រុមហ៊ុន ALSTOM របស់បារាំងបានអំពាវនាវសហគ្រាសចិនកាន់តែច្រើនឱ្យមានការប្រុងប្រយ័ត្ន ។ ព្រមពេលជាមួយគ្នានេះ លោក ក៏អំពាវនាវឱ្យប្រទេសទាំងអស់រួមសាមគ្គីគ្នា ដើម្បីទប់ទល់នឹងទង្វើអនុត្តរភាពរបស់សហរដ្ឋអាមេរិកផងដែរ ។