តាមស្ថិតិនៃស្ថានីយទូរទស្សន៍នៃសមាគមផ្សាយសំឡេងរបស់ប្រទេសជប៉ុនបានឱ្យដឹងថា គិតរហូតដល់វេលាម៉ោង២០និង៣០នាទី យប់ថ្ងៃទី៤ ខែសីហា តាមម៉ោងក្នុងតំបន់ ជប៉ុនបានរកឃើញករណីឆ្លងថ្មីនៃជំងឺកូវីដ១៩ចំនួន១២៣៥នាក់ ករណីឆ្លងសរុប៤១៤៥១នាក់ ករណីស្លាប់ថ្មី៤នាក់ ករណីស្លាប់សរុប ១០២២នាក់ ។
នាពេលថ្មីៗកន្លងទៅនេះ លោកស្រី Yuriko Koike អភិបាលក្រុងតូក្យូបានថ្លែងថា បើសិនជាការរាលដាលនៃជំងឺឆ្លងមានសភាពកាន់តែធ្ងន់ធ្ងរថែមទៀត នោះនឹងគិតពិចារណាពីការប្រកាសដាក់ទីក្រុងក្នុងភាពអាសន្នម្តងទៀតដោយខានមិនបាន ។ ហេតុអ្វីបានជារដ្ឋាភិបាលជប៉ុនមិនប្រកាសដាក់ប្រទេសក្នុងភាពអាសន្នម្តងទៀត ? ប្រព័ន្ធសារព័ត៌មានជប៉ុនបានវិភាគថា សម្ពាធខាងសេដ្ឋកិច្ចជាមូលហេតុសំខាន់ដែលបណ្តាលឱ្យជប៉ុនធ្វើសេចកី្តសម្រេចចិត្តបែបនេះ ។
សូមបញ្ជាក់ថា ជប៉ុននិងក្រុមហ៊ុន Pfizerរបស់អាមេរិកបានឈានដល់គំនិតឯកភាពគ្នាថា បើសិនជាក្រុមហ៊ុន Pfizer ទទួលបានជោគជ័យក្នុងការសិក្សាស្រាវជ្រាវនិងផលិតវ៉ាក់សាំងកូវីដ១៩ នោះ ក្រុមហ៊ុននេះនឹងផ្តល់វ៉ាក់សាំងសម្រាប់មនុស្ស៦០លាននាក់ដល់ជប៉ុននៅមុនខែមិថុនាឆ្នាំ ២០២១ ៕