កាលពីព្រឹកថ្ងៃទី ១៣ ខែកក្កដា ពិធីជូនដំណើរសពលោក Park Won Soon អភិបាលក្រុងសេអ៊ូលនៃប្រទេសកូរ៉េខាងត្បូងបានធ្វើឡើងនៅសាលាក្រុងសេអ៊ូល។នៅថ្ងៃដដែលនោះ លេខាធិការរបស់លោកបានលើកឡើងម្តងទៀតថា "ហេតុការណ៍នេះមិនអាចស្ងប់ដោយការស្លាប់នោះទេ"។
បន្ទាប់ពីលោក Park Won Soon ទទួលមរណភាព មានមនុស្សជាង ១៦.០០០ នាក់បានទៅគោរពវិញ្ញាណក្ខន្ធ ហើយលោក Moon Jae-in ប្រធានាធិបតីកូរ៉េខាងត្បូងក៏បានជូនកម្រងផ្កាផងដែរ។
តាមដំណឹងរបស់ប្រព័ន្ធសារព័ត៌មានមួយចំនួនឱ្យដឹងថា ការស្លាប់របស់លោក Park Won Soon គឺទាក់ទងនឹងសំណុំរឿងដែលលោកត្រូវចោទប្រកាន់ពីបទការបៀតបៀនផ្លូវភេទ។
លោក Park Won Soon ត្រូវបានចាត់ទុកជាបេក្ខជនដែលមានប្រជាប្រិយភាពសម្រាប់ការបោះឆ្នោតប្រធានាធិបតីកូរ៉េខាងត្បូងអាណត្តិក្រោយ ហើយការស្លាប់របស់លោកនឹងជះឥទ្ធិពលដល់ស្ថានការណ៍បោះឆ្នោតដោយចៀសវាងមិនបាន៕