លោកស្រី Trish Regan ពិធីការិនីនៃប៉ុស្តិ៍ពាណិជ្ជកម្ម FOX news របស់សហរដ្ឋអាមេរិកដែលធ្លាប់ជជែកតាមបណ្តាញអ៊ីនធើណែតជាមួយលោកស្រី Liuxin ពិធីការិនីនៃស្ថានីយ CGTN ប្រទេសចិនបានបាត់បង់ការងារធ្វើហើយ ។ តាមការផ្សាយនៃកាសែត New York Times ឱ្យដឹងថា កាលពីថ្ងៃទី១៣ខែមីនា ប៉ុស្តិ៍ពាណិជ្ជកម្ម FOX news របស់សហរដ្ឋអាមេរិកបានផ្អាកកម្មវិធីរបស់លោកស្រី Trish Regan ហើយប្រកាសបញ្ចប់កិច្ចសន្យាជាមួយគាត់កាលពីថ្ងៃទី២៧ខែមីនា ។
លោកស្រី Trish Regan បានថ្លែងក្នុងកម្មវិធីនៅខែមីនានេះថា បក្សប្រជាធិបតេយ្យបានទម្លាក់ការទទួលខុសត្រូវលើជំងឺ COVID-19 ឱ្យលោកត្រាំទាំងស្រុង នេះគឺប៉ុនប៉ងចោទប្រកាន់ទម្លាក់ប្រធានាធិបតីម្តងទៀត ។ បក្សប្រជាធិបតេយ្យនិងប្រព័ន្ធសារព័ត៌មានពួកសេរីប៉ុនប៉ងប្រើប្រាស់ជំងឺឆ្លងនេះមួលបង្កាច់និងបំផ្លាញប្រធានាធិបតី ។ អធិប្បាយនេះបានត្រូវគេរិះគន់ខ្លាំងយ៉ាងឆាប់រហ័ស ។
ក្នុងសភាពការណ៍ដែលជំងឺ COVID-19 នៅសហរដ្ឋអាមេរិកកាន់តែធ្ងន់ធ្ងរនេះ លោកស្រី Trish Regan នៅតែប្រកាន់ខ្ជាប់បំផុសមតិឧបាយកល នេះមុខជាបានខូចផលប្រយោជន៍ដល់ប្រជាជនសហរដ្ឋអាមេរិកដែលកំពុងតស៊ូជាមួយជំងឺឆ្លងដោយជីវិត ។ អ្នកដឹកនាំកំពូលនៃ FOX news ក៏ត្រូវនាំឱ្យលោកស្រី Trish Regan ចេញពីមុខការងារដោយសាររងកម្លាំងសង្កត់ពីមតិសាធារណៈនិងពាណិជ្ជករផ្សាយពាណិជ្ជកម្ម ។
