ក្រុមអ្នកជំនាញចម្រុះត្រួតពិនិត្យការរាតត្បាតនៃជំងឺឆ្លង Covid-19 រវាងចិននិងអង្គការសុខភាពពិភពលោកបានបើកធ្វើសន្និសីទកាសែតមួយនៅទីក្រុងប៉េកាំងកាលពីថ្ងៃទី ២៤ ខែកុម្ភៈ ដោយបានអះអាងថា វិធានការទប់ទល់ដែលចិនបានចាត់ចែងអនុវត្តទទួលបានលទ្ធផលល្អ។ ការវាយតម្លៃទាំងនេះ ត្រូវបានធ្វើឡើងដោយឥស្សរជនអន្តរជាតិចំនួន ១២ បន្ទាប់ពីបានបញ្ចប់ការត្រួតពិនិត្យនិងស្រាវជ្រាវយ៉ាងស៊ីជម្រៅ ដោយផ្ទាល់ នៅកន្លែងផ្ទុះជំងឺក្នុងប្រទេសចិន ដែលជាការវាយតម្លៃប្រកបដោយជំនាញវិជ្ជាជីវៈនិងអាចជឿជាក់បាន។
ពេលប្រឈុមមុខនឹងការរាតត្បាតនៃជំងឺឆ្លង លោក ស៊ី ជីនភីង មេដឹកនាំកំពូលចិនបានរៀបចំចាត់ចែងការងារដោយផ្ទាល់ ព្រមទាំងបានកំណត់នូវតម្រូវការទូទៅនិងគោលដៅមេ។ គ្រប់ទីកន្លែងក្នុងប្រទេសចិនបានអនុវត្តសកម្មភាព ប្រកបដោយភាពចុះចម្រុងគ្នា បានបង្កើតបណ្តាញបង្ការនិងគ្រប់គ្រងជំងឺឆ្លងដែលគ្របដណ្តប់បណ្តាក្រុង-ខណ្ឌ-ភូមិឃុំនិងជនបទទាំងអស់។ ក្នុងរយៈពេលខ្លី ទីក្រុង វ៉ូហាន បានកសាងនូវមន្ទីរពេទ្យបណ្តោះអាសន្នពិសេសមួយចំនួន ដើម្បីផ្តល់សេវាថែទាំនិងព្យាបាលដល់អ្នកជំងឺទាំងអ់ស ខណៈរដ្ឋបាលខេត្តផ្សេងទៀត ព្រមទាំងកងទ័ពក៏បានចូលរួមផ្តល់ការគំាទ្រនិងជួយសង្គ្រោះជាបន្តបន្ទាប់ រហូតដល់បានបញ្ជូនក្រុមវេជ្ជសាស្ត្រគ្រូពេទ្យ គិលានុបដ្ឋាក គិលានុបដ្ឋាយិកា ចំនួនជាង ៤ ម៉ឺននាក់ទៅកាន់ទីក្រុងវ៉ូហាន ដែលរងគ្រោះយ៉ាងធ្ងន់ធ្ងរខ្លាំងបំផុត។ ថែមពីនេះទៀត ចិនបានជំរុញឱ្យសហគ្រាសផលិតសម្ភារៈផ្នែកការពារវេជ្ជសាស្ត្រដំណើរការផលិតកម្មរបស់ខ្លួនឡើងវិញភ្លាម ដើម្បីធានាផ្គតផ្គង់សម្ភារៈការពារគ្រប់បែបយ៉ាងដល់តំបន់ដែលរងគ្រោះខ្លាំងបំផុត។
លោក Bruce Aylward ទីប្រឹក្សាកំពូលនៃប្រធានអង្គការសុខភាពពិភពលោកបានកោតសរសើរ យ៉ាងខ្លាំងចំពោះសេចក្តីសម្រេចចិត្តរបស់មេដឹកនាំប្រទេសចិនថា ជាភាព “អស្ចារ្យ” និងបានសរសើរដល់ការពួតដៃគ្នាធ្វើសកម្មភាពនៅទូទាំងប្រទេសចិនក្នុងពេលបង្ការទប់ស្កាត់នឹងជំងឺឆ្លង ព្រមទាំងបានកោតសរសើរយ៉ាងខ្លាំងដល់សង្គមចិនទាំងមូលថា ជា "សាមគ្គីភាពដ៏ពិតប្រាកដ" ។
ដោយសារភាពសាមគ្គីគ្នាយ៉ាងខ្លាំងរបស់ប្រទេសចិន អាចដំណើរការនូវឧត្តមភាពរបបជាតិដោយពេញលេញ ទើបធ្វើឱ្យភាពច្របូកច្របល់និងអនាធិបតេយ្យក្នុងសង្គម ដែលតែងតែកើតមាន បន្ទាប់ពីគ្រោះមហន្តរាយឬឆ្លងជំងឺដ៏ធ្ងន់ធ្ងរក្នុងប្រវត្តិសាស្ត្រមនុស្សជាតិ មិនដែលកើតឡើងក្នុងប្រទេសចិន នាពេលបច្ចុប្បន្ននេះ។ និយាយជារួម ក្នុងនាមជាប្រទេសប្រកបដោយទំនួលខុសត្រូវខ្លាំង លើកិច្ចការសុខាភិបាលសាធារណៈពិភពលោក ប្រទេសចិននឹងបន្តខិតខំយ៉ាងពេញទំហឹងក្នុងការប្រយុទ្ធប្រឆាំងនឹងជំងឺឆ្លងCovid-19 ដោយផ្អែកលើឧត្តមភាពនៃរបបជាតិរបស់ខ្លួន និងចែករំលែកនូវបទពិសោធក្នុងការបង្ការនិងគ្រប់គ្រងជំងឺនេះជាមួយគ្រប់ភាគីនានា។យើងត្រូវសាមគ្គីគ្នា ធ្វើកិច្ចសហប្រតិបត្តិការគ្នា ពង្រឹងជំនឿចិត្ត ដើម្បីឆ្លងកាត់វិបត្តលើកនេះ៕
