ពិព័រណ៍សេដ្ឋកិច្ចនិងពាណិជ្ជកម្មព្រំដែនមីយ៉ាន់ម៉ានិងចិនលើកដំបូងដែលសហការរៀបចំឡើងដោយនាយកដ្ឋានជំរុញពាណិជ្ជកម្មនៃក្រសួងពាណិជ្ជកម្មមីយ៉ាន់ម៉ានិងរដ្ឋបាលប្រជាជនក្រុងlincangខេត្តយុនណានប្រទេសចិន នឹងសម្ពោធបើកនៅក្រុងLashioប្រទេសមីយ៉ាន់ម៉ានៅថ្ងៃទី ២១ ខែវិច្ឆិកា ខណៈបច្ចុប្បន្នការងារត្រៀមរៀបចំទាំងអស់បានត្រៀមរួចរាល់ហើយ ។
ពិព័រណ៍សេដ្ឋកិច្ចនិងពាណិជ្ជកម្មព្រំដែនក្រុងLashioធ្វើឡើងក្នុងគោលបំណងបង្កើតវេទិកាមួយសម្រាប់ពង្រីកការផ្លាស់ប្តូរប្រកបដោយមេត្រីភាពនិងកិច្ចសហប្រតិបត្តិការដែលផ្តល់ផលប្រយោជន៍ដល់គ្នាទៅវិញទៅមក ជំរុញការអភិវឌ្ឍសេដ្ឋកិច្ចតំបន់ព្រំដែន ជំរុញកិច្ចសហប្រតិបត្តិការសេដ្ឋកិច្ចនិងពាណិជ្ជកម្មរវាងចិននិងមីយ៉ាន់ម៉ា ពង្រឹងនិងពង្រីកនូវមិត្តភាពប្រពៃណីសុខដុមរមនា ។
បច្ចុប្បន្ន ភាគីទាំងពីរបានឈានដល់មតិឯកភាពគ្នាអំពីការរួមគ្នារៀបចំធ្វើពិព័រណ៍សេដ្ឋកិច្ចនិងពាណិជ្ជកម្មតាមព្រំដែន មួយឆ្នាំម្តងដោយចាប់ផ្តើមធ្វើពីឆ្នាំនេះតទៅដោយផ្លាស់វេនពីក្រុងLashioមីយ៉ាន់ម៉ានិងក្រុងlincangខេត្តយុនណានប្រទេសចិន ៕
