កាលពីថ្ងៃទី១៩ខែវិច្ឆិកាតាមម៉ោងតំបន់ សន្និសីទកម្រិតខ្ពស់ស្តីពីកិច្ចសហប្រតិបត្តិការរវាងអង្គការសហប្រជាជាតិនិងអង្គការសហប្រតិបត្តិការសៀងហៃលើកទី៣បានធ្វើឡើងនៅទីស្នាក់ការទូទៅនៃអង្គការសហប្រជាជាតិនៅទីក្រុងញ៉ូវយក។សន្និសីទលើកនេះផ្តោតសំខាន់ទៅលើការបង្កើនកិច្ចសហប្រតិបត្តិការរវាងអង្គការសហប្រជាជាតិនិងអង្គការសហប្រតិបត្តិការសៀងហៃក្នុងការទប់ស្កាត់អំពើភេរវកម្មនិងការជួញដូរគ្រឿងញៀនជាដើមដើម្បីជំរុញសន្តិភាព សន្តិសុខនិងស្ថិរភាពក្នុងតំបន់និងពិភពលោកទាំងមូល។
លោកAntonioGuterresអគ្គលេខាធិការអង្គការសហប្រជាជាតិបានថ្លែងថា ប្រឈមនឹងបញ្ហាពិភពលោកដែលកាន់តែធ្ងន់ធ្ងរជារៀងរាល់ថ្ងៃ ការបង្កើនកិច្ចសហប្រតិបត្តិការរវាងអង្គការសហប្រជាជាតិនិងអង្គការសហប្រតិបត្តិការសៀងហៃគឺសំខាន់ណាស់។អង្គការសហប្រជាជាតិនឹងបន្តបង្កើនកិច្ចសហប្រតិបត្តិការជាក់ស្តែងក្នុងគ្រប់វិស័យជាមួយអង្គការសហប្រតិបត្តិការសៀងហៃនិងប្រទេសជាសមាជិកនៃអង្គការសហប្រតិបត្តិការសៀងហៃនាពេលអនាគត។
