កាលពីថ្ងៃទី២០ខែវិចិ្ឆកា លោក Geng shuang អ្នកនាំពាក្យក្រសួងការបរទេសចិនបានថ្លែងសុន្ទរកថាអំពីការដែលព្រឹទ្ធសភាអាមេរិកអនុម័តសេចក្តីព្រាងច្បាប់ស្តីពីសិទ្ធិមនុស្សនិងប្រជាធិបតេយ្យនៃតំបន់ហុងកុង ។
លោក Geng shuang បានថ្លែងថា កាលពីថ្ងៃទី១៩ខែវិចិ្ឆកា ព្រឹទ្ធសភាអាមេរិកបានអនុម័ត “សេចក្តីព្រាងច្បាប់ស្តីពីសិទ្ធិមនុស្សនិងប្រជាធិបតេយ្យនៃតំបន់ហុងកុង” ។ សេចក្តីព្រាងច្បាប់នេះមិនអើពើការពិត បានជ្រៀតជ្រែកកិច្ចការតំបន់ហុងកុងដោយចេតនា ជ្រៀតជ្រែកកិច្ចការផ្ទៃក្នុងរបស់ចិន គឺល្មើសនឹងច្បាប់អន្តរជាតិនិងរបៀបរៀបរយមូលដ្ឋាននៃទំនាក់ទំនងអន្តរជាតិយ៉ាងធ្ងន់ធ្ងរ ។ ភាគីចិនសម្តែងការថ្កោលទោសយ៉ាងខ្លាំងនិងប្រឆាំងជាដាច់ខាតចំពោះការនេះ ។
លោក Geng shuang បានគូសបញ្ជាក់ថា បច្ចុប្បន្ននេះ បញ្ហាប្រឈមនៃតំបន់ហុងកុងមិនមែនលើបញ្ហាសិទ្ធិមនុស្សនិងប្រជាធិបតេយ្យនោះទេ គឺជាបញ្ហាបញ្ឈប់អំពើហិង្សានិងភាពចលាចលឱ្យបានឆាប់ គាំពារប្រព័ន្ធច្បាប់និងស្តាររបៀបរៀបរយឱ្យបានល្អដូចមុនឡើងវិញ ។ ពួកយើងដាស់តឿនដល់ភាគីអាមេរិកឱ្យចាត់វិធានការជាបន្ទាន់ដើម្បីទប់ស្កាត់សេចក្តីព្រាងច្បាប់នេះចូលជាធរមាន និងបញ្ឈប់ជ្រៀតជ្រែកកិច្ចការផ្ទៃក្នុងរបស់ចិនជាបន្ទាន់ ។ បើពុំនោះសោធ ភាគីចិនមុខជានឹងចាត់វិធានការយ៉ាងខ្លាំងដើម្បីប្រឆាំងតបវិញយ៉ាងម៉ឺងម៉ាត់ ដើម្បីគាំពារផលប្រយោជន៍នៃអធិបតេយ្យភាព សន្តិសុខនិងការអភិវឌ្ឍជាតិចិន ។
