“កម្មវិធីព័ត៌មាន”នៃCCTVបានផ្សព្វផ្សាយបទអត្ថាធិប្បាយក្រោមចំណងជើងថា សូមស្តាប់សំឡេងរបស់អ្នកក្រុងហុងកុង។អត្ថបទនេះថ្លែងថា រសៀលថ្ងៃទី១៧ខែសីហា សហគមន៍ការពារហុងកុងបានធ្វើមីទីញស្តីពីការប្រឆាំងនឹងអំពើហិង្សានិងសង្គ្រោះហុងកុងនៅសួនឧទ្យានTamarនៃAdmiraltyហុងកុង អ្នកក្រុងហុងកុងជាច្រើនបានអំពាវនាវឱ្យស្តាររបៀបរៀបរយជាប្រក្រតីនៃសង្គមឡើងវិញឱ្យបានឆាប់។
មានអ្នកក្រុងហុងកុងកាន់តែច្រើនបានយល់ច្បាស់ថា ពិតជាមានមនុស្សចង់ឱ្យហុងកុងធ្លាក់ក្នុងភាពចលាចលងើបមុខមិនរួច អ្នកក្រុងហុងកុងរាប់សែននាក់បានសម្តែងនូវទស្សនៈរបស់ខ្លួនដោយអង់អាច នេះជាសាធារណមតិសំខាន់របស់សង្គមហុងកុងបានលើកឡើង។
មានអ្នកក្រុងហុងកុងកាន់តែច្រើនគាំទ្រយ៉ាងពេញទំហឹងដល់ប៉ូលិសហុងកុងក្នុងការអនុវត្តច្បាប់ដោយម៉ឺងម៉ាត់ ហើយទាមទារយ៉ាងខ្លាំងឱ្យបញ្ឈប់អំពើល្មើសច្បាប់ ការបំផ្លិចបំផ្លាញនិងភាពចលាចលគ្រប់បែបយ៉ាង ចាត់ចែងឧក្រិដ្ឋជនហិង្សាតាមច្បាប់ ស្តាររបៀបរៀបរយជាប្រក្រតីនៃសង្គមឡើងវិញឱ្យបានឆាប់ ដើម្បីស្តារជីវភាពប្រកបដោយភាពសុខសាន្តត្រាណឡើងវិញ។
រំពឹងថា អ្នកក្រុងហុងកុងជាច្រើនបន្តនិយាយថា”ទេ”ដោយអង់អាចក្លាហានទៅកាន់អំពើបំផ្លិចបំផ្លាញហុងកុងដោយកម្លាំងហិង្សា និងការពារហុងកុងតាមរយៈស្មារតីវិជ្ជមានក៏ដូចជាអនុវត្តសកម្មភាពជាក់ស្តែង។គាំពារផ្ទះសម្បែងដ៏ល្អបវរនិងភាពសុខសាន្តត្រាណសម្រាប់ហុងកុង សង្គមនិងខ្លួនឯង។