វេទិកាកំពូលលើកទី ២ ស្តីពីកិច្ចសហប្រតិបត្តិការអន្តរជាតិនៃគំនិតផ្តួចផ្តើម"ខ្សែក្រវាត់មួយនិងផ្លូវមួយ"នឹងប្រារព្ធឡើងនៅក្រុងប៉េកាំងនៃប្រទេសចិនចាប់ពីថ្ងៃទី ២៥ ដល់ថ្ងៃទី ២៧ ខែមេសាខាងមុខនេះ។តាមដំណឹងឲ្យបានដឹងថា នាពេលបច្ចុប្បន្ននេះ ប្រមុខរដ្ឋឬអ្នកដឹកនាំកំពូលនៃរដ្ឋាភិបាល ចំនួន ៣៧ រូបនឹងអញ្ជើញចូលរួមកិច្ចប្រជុំកំពូលមូលតុនៃវេទិកាកំពូលលើកទី ២ ស្តីពីកិច្ចសហប្រតិបត្តិការអន្តរជាតិនៃគំនិតផ្តួចផ្តើម"ខ្សែក្រវាត់មួយនិងផ្លូវមួយ"។
សូមរំលឹកឡើងវិញថា ក្នុងរយៈពេលជិត ៦ ឆ្នាំកន្លងមកនេះ បណ្តាប្រទេសអាស៊ាននិងប្រទេសចិនទទួលបាននូវលទ្ធផលប្រកបដោយផ្លែផ្កានៅក្នុងវិស័យកិច្ចសហប្រតិបត្តិការក្រោមគំនិតផ្តួចផ្តើម"ខ្សែក្រវាត់មួយនិងផ្លូវមួយ"។តាមទិន្នន័យបានបង្ហាញថា ទំហំពាណិជ្ជកម្មរវាងភាគីទាំងពីរបានឈានដល់ ៥៨៧.៨៧ ពាន់លានដុល្លារអាមេរិកក្នុងឆ្នាំ ២០១៨ ។គំនិតផ្តួចផ្តើម"ខ្សែក្រវាត់មួយនិងផ្លូវមួយ"មិនត្រឹមតែបង្ហាញពី"គម្រោងផែនការទូទៅ"សម្រាប់ការធ្វើឲ្យស៊ីជម្រៅនូវកិច្ចសហប្រតិបត្តិការរវាងចិននិងអាស៊ានប៉ុណ្ណោះទេ ថែមទាំងក៏ជួយឲ្យគ្រួសារសាមញ្ញនិងអ្នកចូលរួមនីមួយៗសម្រេចបាននូវក្តីសុបិន្តតូចៗរបស់ពួកគេផងដែរ៕