ថ្ងៃទី ២១ ខែកុម្ភៈ តាមម៉ោងក្នុងតំបន់ លោក ត្រាំ ប្រធានាធបតីអាមេរិកបានលើកឡើងថា ការដែលកូរ៉េខាងជើងសម្រេចកំណើនសេដ្ឋកិច្ចយ៉ាងខ្លាំងក្លា គឺមានសារៈសំខាន់ណាស់ចំពោះការអភិវឌ្ឍទំនាក់ទំនង់រវាងប្រទេសទាំងពីរអាមេរិកនិងកូរ៉េខាងជើង ។
សូមបញ្ជាក់ថា លោក ត្រាំ ប្រធានាធិបតីសហរដ្ឋអាមេរិកនិងលោក គីម ជុងអ៊ុន ប្រមុខដឹកនាំកំពូលរបស់កូរ៉េខាងជើងនឹងអញ្ជើញចូលរួមកិច្ចជំនួបកំពូលលើកទីពីររវាងអាមេរិកនិងកូរ៉េខាងជើងនៅក្រុងហាណូយ រដ្ឋធានីវៀតណាមពីថ្ងៃទី ២៧ដល់២៨ ខែកុម្ភៈខាងមុខ ។ ថ្ងៃទី ២១ ខែកុម្ភៈ សេតវិមានអាមេរិកបានចេញសេចកី្តថ្លែងការណ៍ ដើម្បីសម្តែងជំនឿចិត្តរបស់លោកត្រាំក្នុងការសម្រេចសន្តិភាពនៅឧបទ្វីបកូរ៉េ ក៏ដូចជាក្តីរំពឹងទុកទៅលើកិច្ចជំនួបកំពូលនៃប្រទេសទាំងពីរផងដែរ ។
សេចកី្តថ្លែងការណ៍នេះបានឲ្យដឹងថា បើសិនជាលោក គីម ជុងអ៊ុន អាចលះបង់ចោលនុយគ្លេអ៊ែរពិតប្រាកដ នោះអាមេរិកនឹងធានាឲ្យកូរ៉េខាងជើងទទួលបានឱកាសនិងប្រភពធនធានសម្រាប់អភិវឌ្ឍសេដ្ឋកិច្ច ៕
