ថ្ងៃទី ១២ ខែធ្នូ ការិយាល័យព័ត៌មាននៃក្រុមប្រឹក្សាកិច្ចការរដ្ឋចិនបានចេញផ្សាយសៀវភៅសក្រោមចំណងជើងថា«ការវិវឌ្ឍន៍រីកចម្រើននៃបុព្វហេតុសិទ្ធិមនុស្សរបស់ប្រទេសចិនក្នុងអំឡុងពេលធ្វើកំណែទម្រង់និងបើកចំហអស់រយៈពេល ៤០ ឆ្នាំមក» ។
សៀវភៅសមួយនេះបានចែងថា ឆ្នាំ ២០១៨ ជាខួបទី ៤០ ធ្វើកំណែទម្រង់និងការបើកចំហរបស់ប្រទេសចិន ។ ក្នុងអំឡុងពេល ៤០ ឆ្នាំកន្លងទៅនេះ ប្រទេសចិនបានប្រកាន់ខ្ជាប់ការគួបផ្សំនូវគោលការណ៍ប្រកបដោយលក្ខណៈទូទៅនៃសិទ្ធិមនុស្សនិងស្ថានភាពជាក់ស្តែងរបស់ប្រទេសខ្លួន ក៏ដូចជាធ្វើការច្នៃប្រឌិតថ្មីជាបន្តបន្ទាប់អំពី គំនិតសម្រាប់អភិវឌ្ឍសិទ្ធិមនុស្ស ។
ព្រមពេលជាមួយគ្នានេះ សៀវភៅសមួយនេះបានចង្អុលបង្ហាញទៀតថា ក្នុងអំឡុងពេល ៤០ ឆ្នាំកន្លងទៅនេះ ប្រទេសចិនបានធ្វើកិច្ចផ្លាស់ប្តូរនិងកិច្ចសហប្រតិបត្តិការលើវិស័យសិទ្ធិមនុស្សយ៉ាងទូលំទូលាយ បំពេញយ៉ាងផ្ចិតផ្ចង់នូវកាតព្វកិច្ចខាងសិទ្ធិមនុស្សអន្តរជាតិ ចូលរួមកិច្ចការសិទ្ធិមនុស្សអន្តរជាតិដោយគ្រប់ជ្រុងជ្រោយ ជំរុញយ៉ាងសកម្មនូវការកែទម្រង់ប្រព័ន្ធអភិបាលកិច្ចនៃសិទ្ធិមនុស្សជាសកល ខិតខំដោយពេញទំហឹងដើម្បីកសាងសហគមន៍រួមវាសនារបស់មនុស្សជាតិ សំដៅរួមវិភាគទានថ្មីដល់ការជំរុញការអភិវឌ្ឍបុព្វហេតុនៃសិទ្ធិមនុស្សរបស់ពិភពលោក ៕
