ថ្ងៃទី ១១ ខែធ្នូ លោកJean Juncker ប្រធាននៃគណៈកម្មាធិការសហភាពអឺរ៉ុបបានថ្លែងថា កិច្ចព្រមព្រៀងអំពីការដកចេញពីសហភាពអឺរ៉ុបដែលសហភាពអឺរ៉ុបនិងអង់គ្លេសបានសម្រេចរួចជាស្រេចនោះជាកិច្ចព្រមព្រៀងតែមួយគត់ដែលមានលទ្ធភាពអនុវត្តទៅបាន ហេតុដូច្នេះ សហភាពអឺរ៉ុបនឹងមិនធ្វើការចរចាជាមួយប្រទេសអង់គ្លេសអំពីកិច្ចព្រមព្រៀងនេះទៀត ។ ថ្ងៃដដែល លោកស្រីTeresa May នាយករដ្ឋមន្រ្តីអង់គ្លេសបានអញ្ជើញទៅកាន់ទីចាត់ការទូទៅនៃសហភាពអឺរ៉ុបដែលស្ថិតនៅក្រុងប្រ៊ុយសែល ប្រទេសបែលហ្ស៊ីកម្តងទៀត ក្នុងគោលបំណងធ្វើឲ្យមានភាពល្អពេញលេញថែមទៀតនូវកិច្ចព្រមព្រៀងស្តីអំពីការដកខ្លួនចេញពីសហភាពអឺរ៉ុប ។
មតិបានសម្គាល់ឃើញជាទូទៅថា បច្ចុប្បន្ន នៅផ្ទៃក្នុងសហភាពអឺរ៉ុបមានគំនិតឯកភាពគ្នាលើបញ្ហាដែលអង់គ្លេសដកខ្លួនចេញពីសហភាពអឺរ៉ុប ។ តើប្រទេសអង់គ្លេសអាចដកខ្លួនចេញពីសហភាពអឺរ៉ុបនៅខែមីនាឆ្នាំ ២០១៩ ដោយមានសណ្តាប់ធ្នាប់និងចៀសវាងពីការដកចេញពីសហភាពអឺរ៉ុបដោយមិនឈរលើកិច្ចព្រមព្រៀងបានឬយ៉ាងណា សំខាន់គឺត្រូវសម្រេចដោយភាគីអង់គ្លេស ៕