ថ្ងៃទី១៦ខែតុលា សន្និសីទសារព័ត៌មានស្តីពីសិង្ហបុរីចូលរួមពិព័រណ៍នាំចូលចិនអន្តរជាតិលើកដំបូងបានបើកធ្វើនៅប្រទេសសិង្ហបុរី។
លោកZhangSongshengប្រធានអគ្គសភាឧស្សាហកម្មនិងពាណិជ្ជកម្មសិង្ហបុរីបានថ្លែងថា ប៉ុន្មានឆ្នាំចុងក្រោយនេះ កិច្ចសហប្រតិបត្តិការផ្នែកសេដ្ឋកិច្ចនិងពាណិជ្ជកម្មរវាងចិននិងសិង្ហបុរីទទួលបានការវិវឌ្ឍរីកចម្រើនយ៉ាងធំធេង វិស័យសហប្រតិបត្តិការមានភាពកាន់តែទូលំទូលាយជារៀងរាល់ថ្ងៃ យន្តការសហប្រតិបត្តិការមានភាពល្អពេញលេញជាបណ្តើរៗ កម្រិតសហប្រតិបត្តិការត្រូវបានលើកកម្ពស់ឥតឈប់ឈរ ហើយការគួបផ្សំគ្នារវាងខ្លឹមសារសហប្រតិបត្តិការនិងយុទ្ធសាស្រ្តអភិវឌ្ឍន៍របស់ប្រទេសទាំងពីរក៏កាន់តែជិតស្និទ្ធជារៀងរាល់ថ្ងៃផងដែរ។បន្ទាប់ពីព័ត៌មានស្តីពីការចូលរួមពិព័រណ៍នាំចូលលើកនេះត្រូវបានប្រកាស សហគ្រាសសិង្ហបុរីបាននាំគ្នាចុះឈ្មោះយ៉ាងសកម្ម ពោលគឺគ្រប់មុខរបរគ្រប់វិស័យនៅសិង្ហបុរីសុទ្ធតែរំពឹងចង់ចូលក្នុងទីផ្សារចិន ដើម្បីបង្ហាញផលិតផលរបស់ខ្លួននិងបង្កើនកិច្ចសហប្រតិបត្តិការតាមរយៈការចូលរួមពិព័រណ៍លើកនេះ៕
