តាមដំណឹងដែលវេបសាយនៃក្រសួងពាណិជ្ជកម្មចិនបង្ហោះនៅថ្ងៃទី ១៨ ខែកញ្ញាឲ្យដឹងថា ថ្ងៃទី ១១ ខែកក្កដា ឆ្នាំ ២០១៨ រដ្ឋាភិបាលសហរដ្ឋអាមេរិកបានប្រកាសថានឹងដំឡើងពន្ធគយ១០ភាគរយទៅលើផលិតផលនាំចូលពីប្រទេសចិនត្រូវជាតម្លៃ២សែនលានដុល្លារអាមេរិក នៅថ្ងៃទី២ ខែសីហាបានប្រកាសទៀតថានឹងដំឡើងពន្ធគយ ២៥ ភាគរយទៀត ។ ថ្ងៃទី ១៨ ខែកញ្ញាឆ្នាំ ២០១៨ រដ្ឋាភិបាលអាមេរិកប្រកាសថា នឹងចាប់ផ្តើមអនុវត្តវិធានការដំឡើងពន្ធគយទៅលើផលិតផលនាំចូលពីប្រទេសចិនក្នុងតម្លៃ២សែនលានដុល្លារអាមេរិក ហើយចាប់ពីថ្ងៃទី ២៤ ខែកញ្ញាតទៅ នឹងអនុវត្តការដំឡើងពន្ធគយ១០ភាគរយ ចាប់ពីថ្ងៃទី១ ខែមករាឆ្នាំ ២០១៩ នឹងដំឡើងពន្ធគយដល់២៥ ភាគរយ ។ ភាពមានៈរបស់អាមេរិកបែបនេះ បានបណ្តាលឲ្យជម្លោះពាណិជកម្មរវាងចិននិងអាមេរិកកាន់តែឡើងកម្តៅជាបន្តបន្ទាប់ ។
ដើម្បីគាំពារពាណិជ្ជកម្មសេរីនិងប្រព័ន្ធពហុភាគី ក៏ដូចជាគាំពារសិទ្ធិនិងផលប្រយោជន៍ស្របច្បាប់របស់ខ្លួន ប្រទេសចិនត្រូវបង្ខំចិត្តប្រកាសនូវវិធានការដំឡើងពន្ធគយ១០ភាគរយឬ៥ភាគរយទៅលើផលិតផលអាមេរិកក្នុងតម្លៃប្រមាណ ៦ ម៉ឺនលានដុល្លារអាមេរិក ហើយនឹងចាប់ផ្តើមអនុវត្តពីម៉ោង១២ និង០១នាទី ថ្ងៃទី ២៤ ខែកញ្ញាឆ្នាំ ២០១៨តទៅ ។បើសិនជាអាមេរិកនៅតែទទូចដំឡើងពន្ធគយថែមទៀត នោះប្រទេសចិននឹងតបតវិញក្នុងកម្រិតដូចគ្នា ហើយព័ត៌មានលម្អិតនឹងប្រកាសនៅលើកក្រោយ ៕
