ថ្ងៃទី ១៧ ខែកញ្ញា លោក ហាន ចឹង សមាជិកគណៈអចិន្ត្រៃយ៍នៃការិយាល័យនយោបាយនៃមជ្ឈិមបក្សកុម្មុយនិស្តចិន និងជាឧបនាយករដ្ឋមន្ត្រីចិន បានជួបពិភាក្សាជាមួយលោក Dmitry Kozak ឧបនាយករដ្ឋមន្ត្រីរុស្ស៊ីនៅក្រុងមូស្គូ ព្រមទាំងរួមគ្នាធ្វើជាសហអធិបតីក្នុងសនិ្នសីទលើកទី១៥ នៃគណៈកម្មាធិការសហប្រតិបតិ្តការថាមពលរវាងចិននិងរុស្ស៊ី ។
ទាក់ទិននឹងកិច្ចសហប្រតិបតិ្តការក្នុងជំហានក្រោយ លោក ហានចឹង បានលើកសំណើ៣ចំណុច មានជាអាទិ៍៖ ទីមួយ យកចិត្តទុកដាក់អនុវត្តឲ្យបានល្អនូវគម្រោងដែលកំពុងអនុវត្តនិងបានចុះកិច្ចព្រមព្រៀងរួច ក្នុងន័យប្រែក្លាយគំនិតឯកភាពលើកិច្ចសហប្រតិបតិ្តការទៅជាការអនុវត្តគម្រោងជាក់ស្តែង ។ ទីពីរ អនុលោមតាមគោលការណ៍នៃការណែនាំពីសំណាក់រដ្ឋាភិបាល ចាត់ទុកទីផ្សារជាតួអង្គសំខាន់ និងដំណើរការតាមរបៀបពាណិជ្ជកម្ម ត្រួសត្រាយវិស័យនិងវិធីសាស្ត្រថ្មីសម្រាប់ធ្វើកិច្ចសហប្រតិបតិ្តការ ដើម្បីបង្កើតទំនាក់ទំនងភាពជាដៃគូសហប្រតិបតិ្តការថាមពលដែលផ្តល់ផលប្រយោជន៍ដល់គ្នាទៅវិញទៅមកនិងឈ្នះ-ឈ្នះ ។ ទីបី ជំរុញការផ្លាស់ប្តូរនិងកិច្ចសហប្រតិបតិ្តការថាមពលទេ្វភាគីលើវិស័យបច្ចេកវិទ្យា ស្តង់ដារ ធនធានមនុស្ស និងការផ្លាស់ប្តូរព័ត៌មាន បង្កើនការរៀនសូត្រពីគ្នា បំពេញបន្ថែមឧត្តមភាពទៅវិញទៅមក ក្នុងន័យរួមគ្នាលើកកម្ពស់អំណាចទន់ខាងវិស័យថាមពលរបស់ប្រទេសទាំងពីរ ៕