សន្និសីទពេញអង្គនៃវេទិកាសេដ្ឋកិច្ចទិសបូព៌ាលើកទី៤បានធ្វើនៅប្រទេសរុស្ស៊ីនាថ្ងៃទី១២ខែកញ្ញា លោកស៊ីជីនភីងប្រធានរដ្ឋចិនបានអញ្ជើញចូលរួមសន្និសីទហើយបានថ្លែងសុន្ទរកថា។
សហគមន៍អន្តរជាតិបានវាយតម្លៃខ្ពស់ចំពោះសុន្ទរកថារបស់លោកស៊ីជីនភីងប្រធានរដ្ឋចិន ហើយបានលើកឡើងថា គោលការណែនាំដ៏សំខាន់ដែលលោកស៊ីជីនភីងបានលើកឡើងសមស្របនឹងនិន្នាការអភិវឌ្ឍន៍នៃសម័យនេះ និងសមស្របតាមផលប្រយោជន៍របស់គ្រប់ភាគីនានាក្នុងតំបន់ ហើយបានបង្ហាញនូវផែនទីចង្អុលផ្លូវដ៏ច្បាស់និងអាចធ្វើទៅបានសម្រាប់តំបន់អាស៊ីឦសានត្រួសត្រាយអនាគតដ៏ល្អបវរ។
