ថ្ងៃទី១៩ខែសីហា លោកវ៉ាងអ៊ីសមាជិកក្រុមប្រឹក្សាកិច្ចការរដ្ឋនិងជារដ្ឋមន្រ្តីការបរទេសចិនបានជួបពិភាក្សាជាមួយលោកNin Novoaរដ្ឋមន្រ្តីការបរទេសអ៊ុយរូហ្គាយនៅក្រុងប៉េកាំង។
ក្នុងកិច្ចជំនួប លោកវ៉ាងអ៊ីបានថ្លែងថា ក្នុងដំណើរទស្សនកិច្ចនៅប្រទេសចិនលើកនេះ លោកនឹងចុះហត្ថលេខាជាមួយភាគីចិនលើឯកសារសហប្រតិបត្តិការ ដូចជាការរួមគ្នាកសាងខ្សែក្រវាត់មួយនិងផ្លូវមួយ និងកិច្ចព្រមព្រៀងអំពីពាណិជ្ជកម្មសេវាកម្មជាដើម ប្រការនេះបានបង្ហាញឲ្យឃើញនូវទស្សនៈវិស័យវែងឆ្ងាយជាយុទ្ធសាស្រ្តរបស់ប្រទេសអ៊ុយរូហ្គាយក្នុងការពង្រឹងនិងពង្រីកទំនាក់ទំនងជាមួយប្រទេសចិន ។រំពឹងទុកថា ភាគីអ៊ុយរូហ្គាយអាចបន្តពង្រីកឥទ្ធិពលវិជ្ជមាន ដើម្បីជំរុញកិច្ចសន្ទនានិងកិច្ចសហប្រតិបត្តិការរវាងចិននិងទីផ្សាររួមនៃអាមេរិកខាងត្បូងឲ្យទទួលបានការវិវឌ្ឍថ្មីថែមទៀត។
ជាការឆ្លើយតប លោកNinបានថ្លែងថា ក្នុងឋានៈជាសមាជិកទី១នៃទីផ្សាររួមនៃអាមេរិកខាងត្បូងដែលបានចុះហត្ថលេខាជាមួយប្រទេសចិនលើអនុស្សរណៈយោគយល់អំពីការរួមគ្នាកសាងខ្សែក្រវាត់មួយនិងផ្លូវមួយ ភាគីអ៊ុយរូហ្គាយរីករាយក្នុងការក្តាប់ជាប់កាលានុវត្តភាពនេះ ដើម្បីជំរុញឲ្យទំនាក់ទំនងរវាងទីផ្សាររួមនៃអាមេរិកខាងត្បូងនិងចិនកាន់តែជិតស្និទ្ធថែមទៀត៕
