ថ្ងៃទី២០ខែកក្កដា ស្ថាប័នសុខាភិបាលសិង្ហបុរីបានបង្ហាញថា ក្រុមសាហ៊ុនឱសថថែទាំសុខភាពគ្រុបរបស់សិង្ហបុរីបានត្រូវហេកតាមបណ្តាញអ៊ីនធើណែត ព័ត៌មានផ្ទាល់ខ្លួនរបស់មនុស្សប្រមាណ១លាន៥សែននាក់ត្រូវបានលួចយកដោយខុសច្បាប់ ក្នុងនោះ បូករួមទាំងព័ត៌មានបុគ្គលរបស់លោកលីសៀនឡុងនាយករដ្ឋមន្រ្តីសិង្ហបុរីផងដែរ។
លោកលីសៀនឡុងថ្លែងថា លោកបានបញ្ជាឱ្យស្ថាប័នសន្តិសុខបណ្តាញអ៊ីនធើណែតសហការជាមួយស្ថាប័នសុខាភិបាល ដើម្បីបង្កើនការការពារចំពោះប្រព័ន្ធឱសថនិងសុខាភិបាលជាតិ។ ក្រៅពីនេះ រដ្ឋាភិបាលសិង្ហបុរីបាននិងកំពុងបង្កើតគណៈកម្មការស៊ើបអង្កេតមួយដើម្បីធ្វើការស៊ើបអង្កេតអំពីរឿងនេះឱ្យបានច្បាស់ផងដែរ៕