ថ្ងៃទី ២០ ខែកក្កដា រថយន្តទេសចរណ៍ធុនធំ ៣ គ្រឿងបានដឹកអ្នកទេសចរចិនជិត១រយនាក់ ធ្វើដំណើរចេញពីច្រកHekou នៃខេត្តយូណានប្រទេសចិនឆ្លងចូលព្រំដែនប្រទេសវៀតណាម ដើម្បីទៅកាន់ក្រុង Bapa ដែលជាគោលដៅទេសចរណ៍ល្បីឈ្មោះ ។
ក្នុងពិធីបើកខ្សែទេសចរណ៏តាមផ្លូវគោកនេះ លោក Su Yongzhong អនុប្រធាននាយកដ្ឋានគមនាគមន៍និងដឹកជញ្ជូននៃខេត្ត យូណាន បានលើកឡើងថា ការបើកខ្សែផ្លូវមួយនេះមានអំណាយផលដល់ប្រទេសទាំងពីរចិននិងវៀតណាមក្នុងការពង្រីកឧត្តមភាពលើវិស័យគមនាគមន៍និងធនធានទេសចរណ៍ ដើម្បីជំរុញការអភិវឌ្ឍការតភ្ជាប់គ្នាលើវិស័យគមនាគមន៍និងមុខរបរទេសចរណ៍តាមខ្សែផ្លូវមួយនេះ ក្នុងន័យជំរុញការអភិវឌ្ឍសេដ្ឋកិច្ចនិងសង្គមក្នុងតំបន់ពាក់ព័ន្ធ ៕