ថ្ងៃទី២១ខែកក្កដា បុណ្យHaដែលជាបុណ្យប្រពៃណីធ្វើឡើងមួយឆ្នាំម្តងនៃជនជាតិJingប្រទេសចិនបានប្រារព្ធធ្វើនៅក្រុងតុងស៊ីងខេត្តក្វាំងស៊ីប្រទេសចិន។ ប្រជាពលរដ្ឋចិននិងរៀតណាមបានជួបជុំគ្នាយ៉ាងសប្បាយរីករាយច្រៀងចម្រៀងHa ដើម្បីបួងសួងសុំឱ្យមានទឹកភ្លៀងបរិបូរមានផលដំណាំច្រើន។
សូមបញ្ជាក់ថា ជនជាតិJingគឺជាជនជាតិភាគតិចរស់នៅក្បែរសមុទ្រតែមួយគត់របស់ប្រទេសចិន។ បុណ្យHaគឺជាបុណ្យប្រពៃណីធំជាងគេនៃជនជាតិ Jing ហើយក៏ជាវប្បធម៌ជនជាតិដ៏ពិសេសផងដែរ។
ក្រៅពីការអបអរសាទរបុណ្យHa នៅតំបន់តាមព្រំដែនរវាងចិននិងវៀតណាមក៏តែងតែធ្វើសកម្មភាពផ្លាស់ប្តូរខាងសេដ្ឋកិច្ចពាណិជ្ជកម្មនិងសកម្មភាពផ្លាស់ប្តូរខាងវប្បធម៌និងកីឡាផងដែរ ដូចជាការផ្លាស់ប្តូររវាងយុវជន ការប្រកួតបាលទាត់មិត្តភាពនិងពិព័រណ៍ពាណិជ្ជកម្មនិងទេសចរណ៍ជាដើម។ សកម្មភាពទាំងនេះមិនត្រឹមតែបានរឹតបន្តឹងចំណងមិត្តភាពរវាងប្រជាជនតាមព្រំដែនចិននិងវៀតណាមប៉ុណ្ណោះទេ ថែមទាំងបានជំរុញភាពរុងរឿងនិងការអភិវឌ្ឍនៃវិស័យសេដ្ឋកិច្ច ពាណិជ្ជកម្មនិងទេសចរណ៍តាមតំបន់ព្រំដែនទៀតផង៕