ថ្ងៃទី ២២ ខែកក្កដា រដ្ឋាភិបាលហ្វីលីពីនបានឲ្យដឹងថា ប៉ុន្មានថ្ងៃជាប់ៗមកនេះ តំបន់ភាគខាងជើងនិងភាគកណ្តាលនៃប្រទេសហ្វីលីពីនមានធ្លាក់ភ្លៀងយ៉ាងខ្លាំង បច្ចុប្បន្ន បានបណ្តាលឲ្យមនុស្សយ៉ាងហោចណាស់ ៥ នាក់ស្លាប់បាត់បង់ជីវិត និង ៧២ ម៉ឺននាក់រងគ្រោះ ។
គណៈកម្មាធិការកាត់បន្ថយនិងគ្រប់គ្រងគ្រោះមហន្តរាយជាតិហ្វីលីពីនបានឲ្យដឹងថា ការធ្លាក់ភ្លៀងខ្លាំងដែលអូសបន្លាយអស់រយៈពេលមួយសប្តាហ៍បានបណ្តាលឲ្យប្រជាជន ៧២ ម៉ឺននាក់ក្នុងតំបន់ភាគខាងជើងនិងភាគកណ្តាលប្រទេសរងគ្រោះទឹកជំនាន់ ដែលក្នុងនោះមានប្រហែល ២៣ ម៉ឺននាក់កំពុងស្នាក់នៅជាបណ្តោះអាសន្ននៅមជ្ឈមណ្ឌលជម្លៀសជនរងគ្រោះដែលត្រូវបង្កើតឡើងដោយរដ្ឋាភិបាល ។ បច្ចុប្បន្ន ខេត្តជាច្រើននៃប្រទេសហ្វីលីពីនបានប្រកាសពីភាពអាសន្ននៃគ្រោះមហន្តរាយ ៕