ថ្ងៃទី ២១ ខែមិថុនា សេតវិមានអាមេរិកបានប្រកាសថា លោកJohn Bolton ជំនួយការទទួលបន្ទុកកិច្ចការសន្តិសុខជាតិនៃប្រធានាធិបតីអាមេរិកជិតនឹងអញ្ជើញបំពេញទស្សនកិច្ចនៅក្រុងម៉ូស្គូ ដើម្បីពិគ្រោះពិភាក្សាអំពីជំនួបមេដឹកនាំអាមេរិកនិងរុស្ស៊ីដែលអាចធ្វើទៅបាន ។
ប្រព័ន្ធសារព័ត៌មានអាមេរិកជាច្រើនបានផ្សាយដំណឹងឲ្យដឹងថា លោកត្រាំ ប្រធានាធិបតីអាមេរិកនិងលោកភូទីន ប្រធានាធិបតីរុស្ស៊ីមានលទ្ធភាពជួបសន្ទនាគ្នានៅកណ្តាលខែកក្កដា ។
អ្នកនាំពាក្យវិមានក្រឹមឡាំងរុស្ស៊ីបានបញ្ជាក់នៅថ្ងៃដដែលអំពីដំណឹងដែលលោកJohn Boltonជិតនឹងបំពេញទស្សនកិច្ចនៅក្រុងម៉ូស្គូ ។ តែលោកសង្កត់ធ្ងន់ថា រុស្ស៊ីនិងអាមេរិកមិនទាន់បានកំណត់នៅឡើយទេថា តើមេដឹកនាំទាំងពីរនឹងជួបគ្នាឬអត់ ៕