តាមការផ្សាយដំណឹងនៃទីភ្នាក់ងារសារព័ត៌មានមជ្ឈិមកូរ៉េខាងជើងនាថ្ងៃទី ១២ ខែមិថុនាឲ្យដឹងថា នៅថ្ងៃទី ១១ ខែមិថុនា នៅប្រទេសសិង្ហបុរី លោកKim Jong-un ថ្នាក់ដឹកនាំកំពូលកូរ៉េខាងជើងបានថ្លែងថា ប្រទេសកូរ៉េខាងជើងរីករាយក្នុងការរៀនសូត្រពីបទពិសោធអភិវឌ្ឍន៍សេដ្ឋកិច្ចនិងសង្គមរបស់ប្រទេសសិង្ហបុរី ។
លោកបានបញ្ជាក់ថា តទៅថ្ងៃក្រោយ ប្រទេសលោកគួរតែរៀនសូត្រពីចំណេះដឹងនិងបទពិសោធរបស់ប្រទេសសិង្ហបុរីលើគ្រប់វិស័យ ។ ក្នុងដំណើរទស្សនកិច្ចលើកនេះ លោកបានស្វែងយល់យ៉ាងពេញលេញពីសក្តានុពលសេដ្ឋកិច្ចនិងស្ថានភាពអភិវឌ្ឍន៍របស់ប្រទេសសិង្ហបុរី ហើយលោកមានចំណាប់អារម្មណ៍ល្អណាស់ចំពោះប្រទេសមួយនេះ ៕
