កាលពីថ្ងៃទី ១៨ ខែឧសភា លោក Mahathir Bin Mohamad នាយករដ្ឋមន្ត្រីថ្មីរបស់ម៉ាឡេស៊ីបានប្រកាសពីបញ្ជីរាយនាមនៃគណៈរដ្ឋមន្ត្រីដែលមានសមាសភាពចំនួន ១៤ រូប ដោយបានបញ្ជាក់ជាមូលដ្ឋាននូវបេក្ខជនឈរឈ្មោះជារដ្ឋមន្ត្រីនៃក្រសួងសំខាន់ៗនៃរដ្ឋាភិបាលថ្មី ។ ពេលបច្ចុប្បន្ននេះ បញ្ជីរាយនាមនេះត្រូវបានអនុម័តដោយប្រមុខរដ្ឋ គណៈរដ្ឋមន្ត្រីថ្មីនឹងធ្វើសច្ចាប្រណិធាននៅថ្ងែទី ២១ ខែឧសភាតាមការកំណត់។ ប៉ុន្តែ បញ្ជីរាយនាមនៃគណៈរដ្ឋមន្ត្រីថ្មីនេះមិនមានភាពល្អពេញលេញឡើយ ពោលគឺរដ្ឋមន្ត្រីការបរទេស រដ្ឋមន្ត្រីពាណិជ្ចកម្មនិងឧស្សាហកម្មអន្តរជាតិ រដ្ឋមន្ត្រីទេសចរណ៍និងរដ្ឋមន្ត្រីទីស្តីការនាយករដ្ឋមន្ត្រីដែលរដ្ឋាភិបាលអាណត្តិមុនបានចាត់តាំងនោះមិនទាន់បញ្ជាក់ពីបេក្ខជននៅឡើយ ។ មិនថាយ៉ាងណាក៏ដោយ លោក Mahathir Bin Mohamad បានបញ្ចេញសញ្ញាសំខាន់ៗចំនួន ៣អំពីគោលនយោបាយនិងការទូតម៉ាឡេស៊ីនាពេលអនាគតតាមរយៈការបង្កើតគណៈរដ្ឋមន្ត្រីថ្មី។
លោក Mahathir Bin Mohamad បានបង្ហាញថាការបង្កើតគណៈរដ្ឋមន្ត្រីយ៉ាងឆាប់រហ័សបែបនេះ លោករំពឹងទុកថាលុបបំបាត់ទំនាស់និងហានិភ័យក្នុងសម្ព័ន្ធបក្សកាន់អំណាចយ៉ាងលឿន បង្កើនសាមគ្គីភាពផ្ទៃក្នុង ពង្រឹងឋានៈកាន់អំណាចនិងកែលម្អសមត្ថភាពកាន់អំណាចភ្លាមៗ ខិតខំប្រឹងប្រែងដើម្បីកែប្រែក្តីរំពឹងរបស់មជ្ឈដ្ឋានខាងក្រៅចំពោះសម្ព័ន្ធPakatan Harapanដែលខ្វះបទពិសោធន៍កាន់អំណាច ។