នៅក្នុងអង្គមហាសន្និបាតលើកទី៤នៃសភាប្រឹក្សានយោបាយប្រជាជនទូទាំងប្រទេសចិននីតិកាលទី១២នេះក៏មានការធ្វើកំណែទម្រង់និងផែនការអភិវឌ្ឍន៍ជាច្រើនដែលផ្ដោតសំខាន់ទៅលើសុខទុក្ខនឹងជីវីភាពរស់នៅរបស់ប្រជាជន។
ហើយឆ្នាំថ្មីគឺជាឆ្នាំគន្លឹះនៃការធ្វើកំណែទម្រង់ឲ្យកាន់តែស៊ីជម្រៅដោយគ្រប់ជ្រុងជ្រោយហើយក៏ជាឆ្នាំសំខាន់នៃលំនឹងកំណើនសេដ្ឋកិច្ចនិងការកែសម្រួលរចនាសម្ព័ន្ធទៅលើវិស័យមួយចំនួនផងដែរ។
ក្នុងរយៈពេលថ្មីៗកន្លងទៅនេះទាំងសារព័ត៌មានក្នុងនឹងក្រៅប្រទេសគឺមានការចាប់អារម្មណ៍យ៉ាងខ្លាំងចំពោះសន្ទរកថាដ៏សំខាន់អំពីការអភិវឌ្ឍន៍ទំនាក់ទំនងរវាងត្រើយទាំងសងខាងដែលលោកអគ្គលេខាធិការបក្សស៊ីជីនភីងបានថ្លែងហើយត្រង់ចំណុចនេះគឺមានសារសំខាន់ណាស់ពីព្រោះថាប្រទេសចិនគឺជាប្រទេសធំមានប្រជាជនច្រើនដូច្នេះប្រសិនបើមានការបង្រួបបង្រួមមានសាមគ្គីភាពនោះនិងធ្វើឲ្យប្រទេសរឹតតែមានការរីកចំរើនថែមទៀត។
ដោយឡែកលោករដ្ឋមន្ត្រីក្រសួងការបរទេសចិនបានថ្លែងក្នុងសន្និសីទកាសែតកាលពីប៉ុន្មានថ្ងៃមុននៅក្នុងអង្គមហាសន្និបាតទាំងពីររបស់ប្រទេសចិនថាប្រទេសចិនកំពុងដើរតាមផ្លូវការទូតបែបមហាប្រទេសដែលមានលក្ខណៈពិសេសរបស់ប្រទេសចិនម្យ៉ាងវិញទៀតទស្សនៈការទូតរបស់ប្រទេសចិនគឺមានអំណោយផលដល់ការគាំពារសន្តិភាពទាំងក្នុងតំបន់និងលើពិភពលោកផងដែរ។
នេះសបញ្ចាក់ឲ្យឃើញពីភាពសុខក្សេមក្សាន្តរបស់ប្រទេសចិនក៏ដូចជាលើពិភពលោកដែលនេះដោយសារមានការយកចិត្តទុកដាក់ក៏ដូចជាការប្ដេជ្ញាចិត្តរបស់រដ្ឋាភិបាលចិន។
