ក្នុងឆ្នាំ២០១៥នេះបើតាមតែនាងខ្ញុំបានស្ដាប់ព័ត៌មានឃើញថាលោកប្រធានរដ្ឋចិន Xi Jinping បានថ្លែងថា ត្រូវពន្លឿនការបង្កើតយន្តការថ្មីនៃកិច្ចសហប្រតិបត្តិការនិងបើកចំហរដែលប្រឈមមុខចំពោះផ្ទៃក្នុងនិងអន្តរជាតិ អនុវត្តយុទ្ធសាស្រ្តបើកចំហដែលកាន់តែសកម្មនិងម្ចាស់ការ បង្កើតប្រព័ន្ធសេដ្ឋកិច្ចប្រភេទបើកចំហដែលកាន់តែមានកម្លាំងរស់រវើក ពង្រីកនិងធ្វើឲ្យស៊ីជម្រៅនូវកិច្ចសហប្រតិបត្តិការជាមួយអាស៊ាន យើងបានដឹងហើយថាប្រសិនបើក្នុងប្រទេសមួយដែលបើកចំហចំពោះក្រៅប្រទេសគឺធ្វើឲ្យសេដ្ឋកិច្ចទីផ្សាររបស់ប្រទេសនោះមានភាពទូលំទូលាយនិងធ្វើឲ្យប្រទេសនោះមានភាពរីកចម្រើនដោយសារតែមានទំនាក់ទំនងជាមួយក្រៅប្រទេស។
ហើយបើតាមប្រសាសន៍របស់លោកប្រធានរដ្ឋចិនបានបញ្ចាក់ថាត្រូវតែជួយជ្រោមជ្រែងក្នុងតំបន់ក្រីក្រ លើកកម្ពស់សុខភាពនិងចំណេះដឹងខាងវប្បធម៌ ព្រមទាំង សមត្ថភាព ស្វែងរកការងារធ្វើ ដែលនេះគឺជាមធ្យោបាយបណ្ដុះដ៏ល្អមួយសម្រាប់ឲ្យកុមារទទួលបានការធំធាត់ឡើងតាមរយៈការសិក្សារៀនសូត្រដែលចំណុចនេះ គឺសំខាន់ណាស់ ដូចពាក្សមួយគេពោលថាបើចង់ឲ្យកូនៗក្លាយជាធនធានសង្គម ត្រូវបណ្ដុះតាំងពីតូចនោះនឹងសមដូចប្រាថ្នាបើចង់អប់រំមនុស្សឲ្យបានថ្លៃថ្លាត្រូវដឹងចុះណាអប់រំពីក្មេង ដែលនេះ សមបញ្ចាក់ឲ្យឃើញថា នៅពេលអនាគតនាងខ្ញុំជឿជាក់ថាប្រទេសចិននឹងរឹតតែមានការរីកចម្រើនដែលប្រកបដោយសុខសុភមង្គលដោយសារតែមានការយកចិត្តទុកដាក់របស់ថ្នាក់ដឹកនាំនៃប្រទេសចិនដែលតែងតែមានចំពោះប្រជាជន។
