ថ្ងៃទី ១៧ ខែឧសភា យន្តហោះយោធាមួយគ្រឿងបានធ្លាក់នៅខេត្ត Xieng kouang ភាគឦសានប្រទេសឡាវ ក្នុងចំណោមមនុស្សចំនួន ១៧ នាក់នៅលើយន្តហោះមានតែបីនាក់ប៉ុណ្ណោះដែលនៅរស់រានមានជីវិត។ អ្នករងគ្រោះដែលស្លាប់បាត់បង់ជីវិតរួមមានលោក Douangchay Phichith ឧបនាយករដ្ឋមន្រ្តីនិងជារដ្ឋមន្រ្តីក្រសួងការពារជាតិឡាវ លោកThongbanh Sengarkhoum រដ្ឋមន្ត្រីក្រសួងសន្តិសុខសាធារណៈឡាវ លោក Sugan mahalath អគ្គលេខាធិការសាលាក្រុងវៀងចន្ទន៍ និងលោក Cheuang Soumbounkhan រដ្ឋមន្ត្រីក្រសួងឃោសនាការមជ្ឈិមនៃបក្សបដិវត្តន៍ប្រជាជនឡាវជាដើម។ តាមផែនការ ថ្នាក់ដឹកនាំទាំងនេះនឹងហោះទៅកាន់ខេត្ត Xieng kouang ដើម្បីចូលរួមសកម្មភាពអបអរខួប ៥៥ ឆ្នាំនៃការបង្កើតកងពលធំលេខពីរនៃយោធាឡាវ។ តាមលទ្ធផលស៊ើបអង្កេតជាជំហានដំបូងបានអោយដឹងថា មូលហេតុនៃឧបទ្ទវហេតុនេះប្រហែលបណ្តាលមកពីកំហុសខាងបច្ចេកទេស៕
 |  |  |  |  |  |
