១៣,ប្រទេសអាស៊ានទាំង ១០ នឹងក្លាយជាប្រទេសផ្តួចផ្តើមនៃការបង្កើតធនាគារ វិនិយោគហេដ្ឋារចនាសម្ព័ន្ធអាស៊ី

ប្រទេសអាស៊ានទាំង ១០ នឹងក្លាយទៅជាប្រទេសផ្តួចផ្តើមនៃការបង្កើតធនាគារវិនិយោគហេដ្ឋារចនាសម្ព័ន្ធអាស៊ី ។ ថ្ងៃទី ២៤ ខែតុលា រដ្ឋមន្រ្តីក្រសួងហិរញ្ញវត្ថុនិងតំណាងទទួលសិទ្ធិនៃប្រទេសចំនួន ២១ ដែលមានបំណងក្លាយទៅជាប្រទេសជាសមាជិកនៃការបង្កើតធនាគារវិនិយោគហេដ្ឋារចនាសម្ព័ន្ធអាស៊ី មានដូចជាប្រទេសចិននិងប្រទេសអាស៊ានចំនួន ៩ បានចុះហត្ថលេខានៅក្រុងប៉េកាំង ដោយបានសម្រេចចិត្តធ្វើការរួមសហការគ្នាបង្កើតធនាគារវិនិយោគហេដ្ឋារចនាសម្ព័ន្ធអាស៊ី ។ ថ្ងៃទី ២៥ ខែវិច្ឆិកា លោករដ្ឋមន្រ្តីក្រសួងហិរញ្ញវត្ថុឥណ្ឌូនេស៊ីបានតាងនាមឲ្យរដ្ឋាភិបាលឥណ្ឌូនេស៊ីធ្វើការចុះហត្ថលេខាលើអនុស្សរណៈអំពីការរៀបចំនិងបង្កើតធនាគារវិនិយោគហេដ្ឋារចនាសម្ព័ន្ធអាស៊ីនៅក្រុងហ្សាកាតា ។ ប្រទេសឥណ្ឌូនេស៊ីបានក្លាយទៅជាប្រទេសជាសមាជិកទី ២២ ដែលមានបំណងបង្កើតធនាគារនេះ ។ គម្រោងអំពីការអភិវឌ្ឍន៍ថ្មីដោយពហុភាគីក្នុងតំបន់អាស៊ីដែលផ្តួចផ្តើមដោយប្រទេសចិននឹងចាប់ដំណើរការនៅមុនដំណាច់ឆ្នាំ ២០១៥ ដើម្បីផ្តល់ការគាំទ្រខាងហិរញ្ញវត្ថុដល់ប្រទេសដែលខ្វះខាតមូលធនក្នុងការកសាងហេដ្ឋារចនាសម្ព័ន្ធ ។