ថ្ងៃទី៨ខែមីនា  យន្តហោះMH370នៃក្រុមហ៊ុនអាកាសចរណ៍ម៉ាឡេស៊ីដែលហោះពី​ក្រុង​គូឡាឡាំពួរទៅព្រលានយន្តហោះអន្តរជាតិប៉េកាំង  បានបាត់ការទាក់ទងក្រោយពី​បាន​ហោះឡើងមិនយូរប៉ុន្មាន  នៅលើយន្តហោះមានមនុស្ស២រយ៣៩នាក់។ សកម្មភាព​ជួយ​សង្គ្រោះអន្តរជាតិដែលមានការចូលរួមពី២៦ប្រទេសបានធ្វើនៅមហាសមុទ្រប៉ាស៊ីហ្វិក​និង​មហាសមុទ្រឥណ្ឌា  ប៉ុន្តែមកទល់បច្ចុប្បន្ននេះ​យន្តហោះដែលបាត់ការទាក់ទង​នៅមិន​ទាន់រកឃើញនៅឡើយទេ។​ ថ្ងៃទី១៧ខែកក្កដា  យន្តហោះMH17នៃក្រុមហ៊ុន​អាកាសចរណ៍​ម៉ាឡេស៊ី​ដែលហោះពីទីក្រុងអាំស្ទែរដាំរដ្ឋធានីហុល្លង់ទៅកាន់ទីក្រុង​គូឡាឡាំពួររ​ដ្ឋធានីម៉ាឡេស៊ី បាន​ធ្លាក់នៅតំបន់ភាគខាងកើតប្រទេសអ៊ុយក្រែនដែល​ជិតនឹងព្រំដែនរុស្ស៊ី  បណ្តាលឲ្យមនុស្ស​លើយន្តហោះចំនួន២រយ៩៨នាក់់បាត់បង់ជីវិត​ទាំងអស់ ។​ ការងារស៊ីបអង្កេតនៃឧបត្តិហេតុ​ធ្លាក់យន្តហោះនេះបានជួបនឹង​ឧបសគ្គជា​ច្រើនដោយសារសង្គ្រាមក្នុងប្រទេសអ៊ុយក្រែន  មូលហេតុនៃការធ្លាក់យន្តហោះនៅមិន​ទាន់ដឹងច្បាស់នៅឡើយទេ ។