ថ្ងៃទី ៨ មេសា ការតាំងពិព័រណ៌ស្វែងរកទេសភាពស្រស់ស្អាតនៃអាស៊ីបានសម្ពោធបើកនៅ Bo Ao ខេត្ត ហៃណាន ប្រទេសចិន ។ ការតាំងពិព័រណ៌លើកនេះគឺរៀបចំដោយវិទ្យុអន្តរជាតិចិនវេទិកាអាំស៊ី Bo Ao និងនាយកដ្ឋានព័ត៌មានខេត្ត ហៃណានជាដើម ក្នុងគោលបំណងស្វែងយល់ពីវប្បធម៌់និង អរិយ្យធម៌នៃប្រទេសអាស៊ី ដោយបង្ហាញទេសភាពដ៍ស្រស់ស្អាតនិងគួរឲ្យទាក់ចិត្តនៃប្រទេសអាស៊ី ។
អ្នកដឹកនាំប្រព័ន្ធសារព័ត៌មានដែលអញ្ជើញចូលរួមសន្នសីទតុមូលអ្នកដឹកនាំប្រព័ន្ធសារព័ត៌មានអាស៊ីបានចូលរួមពិធីសម្ពោធបើកការតាំងពិព័រណ៌លើកនេះ ។ ក្នុងពិធី សម្ពោធបើក លោក Wang GengNian អគ្គនាយកវិទ្យុអន្តរជាតិចិនបានថ្លែងថា ការផ្សព្វផ្សាយវប្បធម៌និងការតភ្ជាប់មិត្តភាព គឺជាភារៈកិច្ចនិងកាតព្វកិច្ចរបស់ប្រព័ន្ធសារព័ត៌មាន។ ក្នុងឋានៈជាប្រព័ន្ធសារព័ត៌មានចិនមួយដែលបានប្រើភាសាបរទេសច្រើនជាងគេ វិទ្យុអន្តរជាតិចិនមានកម្មវត្ថុគឺឧទេ្ទសនាមពីប្រទេសចិន និងពីពិភពលោក ទៅកាន់ប្រទេសចិន វិទ្យុអន្តរជាតិចិនរីករាយចិត្តបង្កើតវេទិការមួយសំរាប់ពង្រឹងនិងពង្រីកការផ្លាស់ប្តូរនិងកិច្ចសហប្រតិបតិ្តការ។
នៅរសៀលថ្ងៃដដែល សន្និសីទតុមូលអ្នកដឹកនាំប្រព័ន្ធសារព័ត៌មានអាស៊ីបាន សម្ពោធបើកនៅ Bo Ao ខេត្ត ហៃណាន ប្រទេសចិន ។
ឯកឧត្តម តន់ យ៉ាន អគ្គនាយកនៃវិទ្យុជាតិកម្ពុជាបានចូលរួមសន្និសីទតុមូលអ្នកដឹកនាំប្រព័ន្ធសារព័ត៌មានអាស៊ីតាមសេចកី្តអញ្ជើញ ។ ក្នុងសនិ្នសីទ ឯកឧត្តម តន់ យ៉ាន បានថ្លែងសុន្ទរកថា ឧទេ្ទសនាមពីការអភិវឌ្ឍន៍នៃសារព័ត៌មានរបស់ប្រទេសកម្ពុជា ព្រមទាំងឧទេ្ទសនាមពីលទ្ធផលនៃវិទ្យុមិត្តភាពកម្ពុជាចិន ដែលដំណើរការក្រោមកិច្ចសហប្រតិបតិ្តការនៃវិទ្យអន្តរជាតិចិននិងវិទ្យុជាតិកម្ពុជា ៕
