ថ្ងៃទី ៨ មេសា សន្និសីទតុមូលអ្នកដឹកនាំប្រព័ន្ធសារព័ត៌មានអាស៊ីនឹងសម្ពោធបើកនៅBo Ao ខេត្តហៃណាន ប្រទេសចិន ។នេះគឺជាលើកទីមួយដែលវិទ្យុអន្តរជាតិចិនរៀបចំសន្និសីទអ្នកដឹកនាំប្រព័ន្ធសារព័ត៌មានអាស៊ី ។វិទ្យអន្តជាតិចិនបានអញ្ជើញអ្នកដឹកនាំសារព័ត៌មានចិន កម្ពុជា សិង្ហបូរី កូរ៉េខាងត្បូង អូស្ត្រាលី ឡាវ វៀតណាមនិង ឥណ្ឌាជាដើមមកចូលរួមសនិ្នសីទលើកនេះ ។
ឯកឧត្តម តន់ យ៉ាន អគ្គនាយកនៃវិទ្យុជាតិកម្ពុជានឹងចូលរួមសន្និសីទតុមូលអ្នកដឹកនាំប្រព័ន្ធសារព័ត៌មានអាស៊ីតាមសេចកី្តអញ្ជើងញ។ ក្នុងសនិ្នសីទ ឯកឧត្តម តន់ យ៉ាន នឹងថ្លែងសុន្ទរកថា ឧទេ្ទសនាមអំពីការអភិវឌ្ឍន៍ប្រព័ន្ធសារព័ត៌មានប្រទេសកម្ពុជា ជាពិសេសគឺវិទ្យុជាតិកម្ពុជា ព្រមទាំងនឹងឧទេ្ទសនាមអំពីលទ្ធផលនៃវិទ្យុមិត្តភាពកម្ពុជាចិន ដែលដំណើរការក្រោមកិច្ចសហប្រតិបតិ្តការរវាងវិទ្យុអន្តរជាតិចិននិងវិទ្យុជាតិកម្ពុជា ។
ក្នុងសន្និសទីតុមូលអ្នកដឹកនាំប្រព័ន្ធសារព័ត៌មានអាស៊ីលើកនេះ អង្គប្រជុំនឹងពិគ្រោះពិភាក្សាគ្នាអំពីបញ្ហា សី្តពីនៅចំពោះមុខឥទិ្ធពលដែលប្រព័ន្ធផ្សព្វផ្សាយបែបថី្ម(new media)មានទៅលើប្រព័ន្ធផ្សព្វផ្សាយប្រពៃណី(traditional media) តើប្រព័ន្ធផ្សព្វផ្សាយប្រពៃណីនឹងមានការកែច្នៃប្រឌិតថី្មបែបណាខ្លះ?និងបញ្ហាតើប្រព័ន្ធសារព័ត៌មានអាស៊ីនឹងធ្វើកិច្ចសហប្រតិបតិ្តការយ៉ាងណាខ្លះ ដើម្បីជំរុញការផ្លាស់ប្តូរនិងរួមចំណែកកាន់តែច្រើនក្នុងការអភិវឌ្ឍន៍សង្គមកិច្ចនិងអរិយធម៌។
