ថ្ងៃទី២៨ ខែកុម្ភៈ សន្និសីទលើកទី ៤ នៃគណៈកម្មាធិការអចិន្រ្តៃយ៍ទូទាំងប្រទេសនៃសភាប្រឹក្សានយោបាយប្រជាជនទូទាំងប្រទេសចិនអាណត្តិទី ១២ បានបិទសម័យប្រជុំនៅក្រុងប៉េកាំង ។ លោកYu Zheng shengប្រធានសភាប្រឹក្សានយោបាយប្រជាជនទូទាំងប្រទេសចិនបានអញ្ជើញជាអធិបតីនិងថ្លែងសុន្ទរកថាក្នុងសន្និសីទ។
លោកYu Zhengsheng បានសង្កត់ធ្ងន់ថា មហាសន្និបាតនៃសភាប្រឹក្សានយោបាយប្រជាជនទូទាំងប្រទេសចិនជានីតិវិធីសំខាន់មួយសម្រាប់សភាប្រឹក្សានយោបាយប្រជាជនទូទាំងប្រទេសចិនអនុវត្តរបបប្រជាធិបតេយ្យនិងជាវេទិកាសម្រាប់ធ្វើឲ្យការពិគ្រោះពិភាក្សាបង្កើតបានជារបបមួយ ដូច្នេះត្រូវតែផ្តោតសំខាន់លើការធ្វើឲ្យការកែទម្រង់មានគ្រប់ជ្រុងជ្រោយនិងភាពស៊ីជម្រៅ ហើយប្រមូលផ្តុំនូវមតិយោបល់ពីគ្រប់មជ្ឈដ្ឋានដោយម៉ត់ចត់និងខិតខំបង្កើនមតិឯកភាពរួម ។ ការប្រកាន់ខ្ជាប់នូវការអនុវត្តរបបប្រជាធិបតេយ្យ ជាតម្រូវការនៃបក្សកុម្មុយនិស្តនិងរដ្ឋាភិបាលចិនក្នុងការកែលម្អការងារ ចាំបាច់ត្រូវតែអនុវត្តគោលការណ៍អំពីការពិគ្រោះពិភាក្សាដោយប្រជាធិបតេយ្យនិងស្វែងរកចំណុចដូចគ្នានិងរក្សានូវមតិខុសគ្នាក្នុងវិស័យទាំងអស់និងដំណើរទាំងមូលនៃមហាសន្និបាត ហើយខិតខំបង្ហាញយ៉ាងពេញលេញនូវភាពរស់រវើកនៃនយោបាយប្រជាធិបតេយ្យសង្គមនិយមដោយឆ្លងតាមរយៈការពិគ្រោះពិភាក្សានិងការផ្លាស់ប្តូរយ៉ាងទូលំទូលាយនិងស៊ីជម្រៅជាមួយគណៈបក្សនានានិងឥស្សរជនគ្រប់ជនជាតិនិងគ្រប់មជ្ឈដ្ឋាន ។ត្រូវតែកែលម្អឥរិយាបថនៃមហាសន្និបាតថែមទៀត ធ្វើឲ្យមហាសន្និបាតនេះក្លាយទៅជាមហាសន្និបាតដែលមានភាពសាមញ្ញសមសួននិងជាក់ស្តែង៕
