ភាពយន្តនេះបានកែសម្រួលពីប្រលោមលោកតាមអ៊ីធើណេតដ៏ល្បីឈ្មោះរបស់លោក Bao Jingjing ដែលជាសិល្បករឯករាជ្យមួយរូប ជាភាពយន្តស្នេហាដែលបាន
លួងលោមខាងផ្លូវចិត្តដំបូងបង្អស់របស់ចិនដីគោក ។
តួឯកស្រីនាងហួង សៀវស៊ាន ជានារីដល់វ័យត្រូវរៀបអាពាហ៍ពិពាហ៍ បានបម្រើការងារជាអ្នកគ្រោងពិធីអាពាហ៍ពិពាហ៍នៅក្រុងប៉េកាំង ។ ថ្ងៃមួយនាងបានប្រទះឃើញមិត្តល្អរបស់ខ្លួនបែរជានៅជាមួយមិត្តប្រុសរបស់ខ្លួនទៅវិញ ហើយស្របពេលជាមួយគ្នានោះ នាងត្រូវសហការជាមួយសហការីរបស់នាងគឺលោក វ៉ាង សៀវជាន ទៅគ្រោងពិធីអាពាហ៍ពិពាហ៍ដល់គូសង្សារមួយគូដែលបានស្រលាញ់គ្នាអស់ជាច្រើនឆ្នាំ ។ តែក្រោយមកគូសង្សារមួយគូនេះបែរជាបានចែកផ្លូវគ្នាដោយសារតែការខ្វែងគំនិតគ្នាខាងការគ្រោងរៀបចំពិធីអាពាហ៍ពិពាហ៍ ហើយការខកស្នេហ៍រយៈពេល ៣៣ ថ្ងៃរបស់នាងហួង សៀវស៊ានបែរជាបានរកឃើញចំណងស្នេហ៍ថ្មីរបស់ខ្លួនគឺលោក វ៉ាង សៀវជាន ។
ភាពយន្តនេះបានប្រើសិល្បៈបែបកំប្លែងនិងមានភាពស្និទ្ធស្នាលមករៀបរាប់អំពីការដើរចេញផុតពីស្រមោលនៃការខកស្នេហ៍អស់ ៣៣ ថ្ងៃរបស់តួឯកស្រី ដោយលក់សំបុត្រចូលទស្សនាបានដល់ទៅ ៣៥០ លានយាន់ប្រាក់ចិន ហើយក្លាយទៅជាភាពយន្តលក់សំបុត្រដាច់បំផុតមួយនៅក្នុងចិនដីគោកប្រចាំឆ្នាំ ២០១១ ។ ភាពយន្តនេះធ្លាប់បានទទួលរង្វាន់តួឯកប្រុសនិងស្រីឆ្នើមបំផុតនៃពានរង្វាន់បុប្ផាមួយរយនៃភាពយន្តមហាជន
លើកទី ៣១ របស់ចិន ។
