ពីថ្ងៃទី២ដល់ថ្ងៃទី៨ ខែតុលា លោកXiJinping ប្រធានរដ្ឋចិននឹងទៅបំពេញទស្សនកិច្ចផ្លូវរដ្ឋទៅប្រទេសឥណ្ឌូនេស៊ីនិងម៉ាឡេស៊ី ព្រមនិងចូលរួមសន្និសីទក្រៅផ្លូវការនៃអ្នកដឹកនាំប្រទេសអង្គការសហប្រតិបត្តិការអាស៊ីប៉ាស៊ីហ្វិកលើកទី២១ដែលនឹងធ្វើនៅក្រុងបាលី ប្រទេសឥណ្ឌូនេស៊ី។ អ្នកទទួលខុសត្រូវមានពាក់ព័ន្ធរបស់ក្រសួងការបរទេសចិនបានថ្លែងថា ទស្សនកិច្ចលើកនេះមានអត្ថន័យយ៉ាងសំខាន់ដល់ការធ្វើឲ្យទំនាក់ទំនងចិននិងឥណ្ឌូនេស៊ី ចិននិងម៉ាឡេស៊ីកាន់តែស៊ីជម្រៅ ព្រមនិងការជំរុញឲ្យទំនាក់ទំនងចិននិងអាស៊ានវិវឌ្ឍន៍ទៅមុខថែមទៀត ហើយនឹងដើរតួនាទីយ៉ាងសំខាន់ក្នុងការជំរុញការអភិវឌ្ឍន៍សេដ្ឋកិច្ចអាស៊ីប៉ាស៊ីហ្វិកនិងដំណើរសហប្រតិបត្តិការតំបន់ផងដែរ។
ជុំវិញប្រធានបទអំពីការបន្តមេត្រីភាពនិងកំណត់កិច្ចសហប្រតិបត្តិការ ក្នុងអំឡុងពេលទៅបំពេញទស្សនកិច្ច លោកXiJinpingនិងធ្វើការជួបសន្ទនាជាមួយថ្នាក់ដឹកនាំប្រទេសឥណ្ឌូនេស៊ីនិងម៉ាឡេស៊ី ហើយចុះហត្ថលេខានៅលើឯកសារសហប្រតិបត្តិការមួយចំនួនព្រមនិងអញ្ជើញទៅចូលរួមវេទិកាឧស្សាហកម្មនិងពាណិជ្ជកម្ម និងវេទិកាកំពូលអំពីកិច្ចសហប្រតិបត្តិការខាងសេដ្ឋកិច្ចជាដើម។
បន្ទាប់ពីបញ្ចប់ទស្សនកិច្ចផ្លូវរដ្ឋនៅប្រទេសឥណ្ឌូនេស៊ីនិងម៉ាឡេស៊ី លោកប្រធានXiJinping នឹងអញ្ជើញទៅចូលរួមសន្និសីទក្រៅផ្លូវការនៃអ្នកដឹកនាំប្រទេសអង្គការសហប្រតិបត្តិការអាស៊ីប៉ាស៊ីហ្វិកលើកទី២១ ។
