លោករដ្ឋមន្ត្រីការបទេសនិងលោករដ្ឋមន្ត្រីការពារជាតិរបស់ប្រទេសឥណ្ឌូនេស៊ីបានវាយតម្លៃវិជ្ជមានអំពីទំនាក់ទំនងរវាងចិននិងឥណ្ឌូនេស៊ី

ពាក់ព័ន្ធរឿងដែលលោកXiJinping ប្រធានរដ្ឋចិនទៅបំពេញទស្សនកិច្ចផ្លូវរដ្ឋនៅប្រទេសឥណ្ឌូនេស៊ីនៅថ្ងៃទី២ តុលា ពេលថ្មីៗកន្លងទៅនេះ លោកMartyរដ្ឋមន្ត្រីការបរទេសឥណ្ឌូនេស៊ីនិងលោកPurnomo រដ្ឋមន្ត្រីការពារជាតិឥណ្ឌូនេស៊ីបានផ្តល់បទសម្ភាសជាមួយនឹងអ្នកយកព័ត៌មានស៊ីនហ្វាចិន ហើយបានសំដែងសេចក្តីសង្ឃឹមយ៉ាងខ្លាំងចំពោះការអភិវឌ្ឍន៍ទំនាក់ទំនងទ្វេភាគីឥណ្ឌូនេស៊ីនិងចិន។

លោកMartyបានថ្លែងថា ឥណ្ឌូនេស៊ីនិងចិនមានទំនាក់ទំនងជាដៃគូយុទ្ធសាស្ត្រ ។ ឥណ្ឌូនេស៊ីគឺបានចាត់ទុកចិនជាដៃគូដ៏សំខាន់របស់ឥណ្ឌូនេស៊ីជាប់ជានិច្ច ហើយសង្ឃឹមថាទំនាក់ទំនងទ្វេភាគីអាចវិវឌ្ឍន៍ទៅដល់កម្រិតកាន់តែខ្ពស់ហើយលក្ខណៈសារសំខាន់និងលក្ខណយុទ្ធសាស្ត្រនៃទំនាក់ទំនងចិននិងឥណ្ឌូនេស៊ីមានភាពកាន់តែលេចធ្លោ ។

លោកPurnomoបានថ្លែងថា ចិននិងឥណ្ឌូនេស៊ីបានបង្កើតទំនាក់ទំនងភាពជាដៃគូយុទ្ធសាស្ត្រនៅឆ្នាំ២០០៥ កិច្ចសហប្រតិបត្តិការខាងកិច្ចការការពាររវាងប្រទេសទាំងពីរក៏បានដំណើរការក្នុងក្របខ័ណ្ឌនេះផងដែរ ។ ភាគីឥណ្ឌូនេស៊ីបានសម្គាល់ថា ក្នុងវិស័យការពារជាតិ ប្រទេសទាំងពីរបានលើកកម្ពស់ជាប់ជានិច្ចអំពីកិច្ចសហប្រតិបត្តិការក្នុងវិស័យពិគ្រោះពិភាក្សាអពីកិច្ចការការពារជាតិ ការប្រាស្រ័យទាក់គ្នាខាងស្រទាប់ជាប់ខ្ពស់ ការបណ្តុះបណ្តាលបុគ្គល និងការធ្វើសមយុទ្ធយោធាជាដើមក្នុងក្របខ័ណ្ឌសហការគ្នាដើម្បីសម្រេចសុខសន្តិភាពនិងស្ថិរភាពក្នុងតំបន់និងលើពិភពលោក។